नगरस्तरीय मानवाधिकार समिति गठन

पहुरा समाचारदाता
मसुरिया, ५ सावन । कैलालीके गौरीगंगा नगरपालिकामे नगरपालिकास्तरीय मानवाधिकार समिति गठन हुइल बा ।

समितिके संयोजकमे गौरीगंगा नगरपालिकाके उपप्रमुख अंचला चौधरी रहल बटी । ओस्टेक सदस्य सचिवमे जउन्द्र ठकुल्ला, सदस्यमे चन्द्रबहादुर थापा, दिनेश चौधरी, भगवती नेपाली, नामसरा नेपाली ओ यशोदा बराल रहल बटै ।

मंगरके रोज गौरीगंगा नगरपालिका प्रमुख भीमबहादुर देउवाके अध्यक्ष्तामे बैठल बैठकसे नगरस्तरीय समिति गठन करल रहे ।

समितिसे नगर क्षेत्रभिटर मानवाधिकार हननके घटनाके बारेमे सुसुचित रहिके मानवाधिकार संरक्षण सम्वर्द्धन ओ परिपुरणके लाग पहल कैना, मानव अधिकार नगरपालिका छवि निर्माणमे रचनात्कम भूमिका खेल्ना जनैले बा ।