यार्सासहित १ भारतीय नागरिक पक्राउ

दार्चुला, ६ सावन । दार्चुलाके नेपाल–भारत सीमा क्षेत्र पुलघाटसे प्रहरी ९० ग्राम यार्सागुम्बासहित १ जाने भारतीय नागरिकहे मंगरके रोज पक्राउ करले बा ।

भारत पिथौरागढ जिल्ला धारचुला ग्राम पाङलाके अन्दाजी २३ वर्षिय गणेशसिंह बिष्टहे यार्सासहित पक्राउ करल जिल्ला प्रहरी कार्यालय दार्चुला जनैले बा ।

कार्यालयके सूचना अधिकारी नरेन्द्रबहादुर चन्दके अनुसार महाकाली नगरपालिका–४ स्थित नेपाल–भारत जोरना झोलुंगे पुलमे खटल नेपाल प्रहरी ओ सशस्त्र प्रहरी बलके संयुक्त टोलीसे गस्ती करना क्रममे बिष्टहे यार्सागुम्बासहित पक्राउ करल हो ।

बरामद यार्सागुम्बा ओ विष्टहे डिभिजन वन कार्यालयमे बुझाइल प्रहरी जनैले बा । विष्टउप्पर अनुसन्धान सुरु हुइल डिभिजन वन कार्यालय जनैले बा ।