खैरो हिरोईनसहित एक जाने पक्राउ

पहुरा समाचारदाता
धनगढी, ७ सावन । जिल्ला प्रहरी कार्यालय कैलालीसे खटल प्रहरी टोली खैरो हिरोईनसहित एक जनहनहे पक्राउ करले बा ।

मंगरके रोज रातके आठ बजेक समयमे प्रहरी टोली जिल्ला कैलाली धनगढी उप–महानगरपालिका वडा नं ३ भन्सार लग्गे बैठना बर्ष २१ के शैलेस अवस्थीहे पक्राउ करल हो । भन्सार सडकखण्डमे शंकाष्पद रुपमे नेंग्टी रहल अवस्थामे हुकहिनहे चेकजाच करेबेर हुकानठेनसे २३० मिलि ग्राम लागु औषध ब्राउन सुगर फेला पारल जिल्ला प्रहरी कार्यालय कैलालीके प्रवक्ता प्रतिक विष्ट जनैलै ।

पक्राउ परल हुकानहिनहे लागु औषध खैरो हिरोईन शिर्षकमे मुद्दा दर्ता करके थप अनुसन्धान हुइटी रहल प्रहरी जनैले बा ।