छाडा चौपायानमे टल्कना स्टिकर
धनगढी, ९ सावन । दुर्घटना न्यूनीकरणके लाग कैलाली–कञ्चनपुरमे सडकमे छोरल चौपायामे टल्कना स्टिकर लगैना अभियान सुरु करल बा । ट्राफिक प्रहरी सडकमे छोररल चौपायामे टल्कना स्टिकर लगैना अभियान सुरु करल हो ।
जिल्ला ट्राफिक प्रहरी कार्यालय कैलाली ओ कञ्चनपुरसे सडक खण्ड तथा मुख्य बजार क्षेत्रमे छोरल पशु चौपायामे रातके समयमे टल्कना स्टिकर लगैना अभियान सुरु करल जनैले बा ।
जिल्ला ट्राफिक प्रहरी कार्यालय कैलालीके प्रमुख तथा प्रहरी निरिक्षक बिरेन्द्रबहादुर बोहराके अनुसार कैलाली यातायात प्रा.लिके सहयोगमे समुदाय प्रहरी साझेदारी कार्यक्रम अन्तर्गत धनगढी अत्तरिया ६ लेन सडक खण्ड तथा बजार क्षेत्रमे रहल छाडा चौपयामे रिफलेक्टिव वेल्ट लगाइल बटैलै । रातके समयमे इहीसे सवारी चालकहे सहजे छाडा चौपायाहे डेखे सेक्ना उहाँ बटैलै ।
उहोर जिल्ला ट्राफिक प्रहरी कार्यालय कञ्चनपुरसे फेन पुर्व पश्चिम राजमार्ग सडक खण्ड तथा मुख्य बजार क्षेत्रमे छोरल पशु चौपायामे रातके समयमे टल्कना स्टिकर लगाइल हो । रातके समयमे हुइना सडक दुर्घटना न्युनिकरणके लाग छाडा पशु चौपायाहे रिफ्लेक्टिव वेल्ट लगैना अभियान अन्तरगत शुकके अस्थाई ट्राफिक प्रहरी पोष्ट गुलरियामे कार्यरत प्रहरी नायव निरिक्षक सावन सिंह क्षेत्री भाट समेतके टोलीसे छाडा पशु चौपायाहे रिफ्लेक्टिव वेल्ट लगाइल हो ।
अन्य स्थानके तुलनामे पुर्व पश्चिम राजमार्ग सडक खण्ड तथा मुख्य बजार क्षेत्रमे छाडा छोरल चौपायाके संख्या ढिउर रहल ओरसे उ क्षेत्रमे इ अभियान शुरु करल प्रहरी जनैले बा । रातके समयमे चौपाया सडकमे अइना ओ चालकसे नैडेख्ना हुइल ओरसे दुर्घटना हुइना करल बा ।
