जसपा विवादमे रेशम चौधरी तटस्थ
काठमाडौं, ११ सावन । जनता समाजवादी पार्टीके आधिकारिकता विवादमे रेशम चौधरी तटस्थ बैठल बटैं ।
डिल्लीबजार कारागारसे निर्वाचन आयोग पुगल उहाँ आधिकारिकता विवाद समाधानके लाग करल सनाखतमे तटस्थ बैठल हुइँट् ।
जसपा आधिकारिता विवादमे निर्वाचन आयोगसे बहुमत पक्ष छुट्यैना ५१ सदस्यीय केन्द्रीय कार्यकारिणी समितिके सदस्यहे सोम्मार बेलैले रहे ।
सोम्मार डिल्लीबजार कारागारसे प्रहरीके गाडीमे निर्वाचन आयोग लैगिल चौधरी अपने जसपा विवादमे दुनु पक्षमे मत नैडना जिकिर करलैं ।
‘जेलसे आके एक पक्षमे हस्ताक्षर करना मोर नैतिकता नैडेहल । मोर पक्ष फेन जसपा हो, विपक्ष फेन जसपा हो,’ उहाँ निर्वाचन कार्यालयबाहेर पत्रकारहुकनसँग कलैं ।
चौधरी पार्टीके आधिकारिकता जे पैलेसे फेन अध्यक्ष महन्थ ठाकुरहे भीष्म पितामहके दर्जा डेना आग्रह करलैं ।
उहाँ महाभारतके प्रसंग खिट्कारेटि युधिष्ठिर ओ अर्जुन युद्ध जिटना पटा पैटिपैटि भीष्म पितामह दुर्योधनहे साथ डेहल बटैलैं । जसपा विवादमे कौनो पक्ष जिटि, मने उहाँहे भीष्म पितामहके दर्जा कायम करडेना अनुरोध करटु’ चौधरी कलैं ।
सम्बन्धित समाचार
