पैदल यात्रीहे मोटरसाइकलसे ठक्कर डेहेबर ३ घाहिल

धनगढी, ११ सावन । कैलालीके गोदावरी नगरपालिका–८ जमुनानगरमे मोटरसाईकलसे पैदल यात्रीहे ठक्कर डेहेबर ३ जाने घाहिल हुइल बाटै । अत्तरियासे जैटी रहल सुपप्र ०१००९ प २३६९ नम्बरके मोटरसाईकलसे पैदल नेंगटी रहल ४० वर्षिय विरेन्द्र बहादुर चन्द ओ ५५ वर्षिय पदम बहादुर साउँदहे ठक्कर डेहल रहे ।

ठक्करसे मोटरसाईकल चालक गोदावरी–१ के २९ वर्षिय नरेन्द्र सिँह सहित डुनु जाने पैदल यात्री घाहिल हुइल प्रत्यक्षदर्शी स्थानीय लेखकराज जोशी बटैलै । ओहकान अनुसार घाहिल तिनु जनहनके अवस्था सामान्य रहल ओ पद्मा अस्पतालमे उपचार हुइटी रहल जनाइल बा ।