थप १७ जनहनमे कोरोना पुष्टि

पहुरा समाचारदाता
धनगढी, १३ सावन । बुधके सेती प्रादेशिक अस्पतालके प्रयोगशालामे १७ जनहनमे कोरोना भाइरस परीक्षण पुष्टि हुइल बा ।

उ प्रयोगशालामे १३७ नमूनाके परीक्षण करेबर १७ जनहनमे संक्रमण पुष्टि हुइल अस्पतालके सूचना अधिकारी दिलिपकुमार श्रेष्ठ जानकारी डेलै । ओस्टके १२० जनहनके रिपोर्ट निगेटिभ आइल बा ।

पाछेक २४ घण्टामे अस्पतालसे ४ जाने डिस्चार्ज हुइल बाटै । कलेसे,३ जाने अस्पतालमे भर्ना हुइल बाटै । हाल अस्पतालमे २० जाने संक्रमित उपचाररत रहल बाटै । जौन मध्ये ३ जाने आईसीयू, ११ जाने अक्सिजनके सर्पोटरमे उपचाररत बाटै कलेसे ६ जनहनके अवस्था भर सामान्य रहल सूचना अधिकारी श्रेष्ठ बटैलै ।