मानव अधिकार रक्षकहुकन स्वास्थ्य सामग्री किट
पहुरा समाचारदाता
धनगढी, १३ सावन । मानव अधिकार रक्षकके सदस्यहुकनहे स्वास्थ्य सामग्री किट हस्तान्तरण करल बा ।
डिसिएके आर्थिक सहयोगमे कोरोना जोखिम न्यूनीकरण करेक लाग स्वास्थ्य सामग्री किट हस्तान्तरण करल हो । इन्सेकसे मानव अधिकार रक्षक संजाल बनैले बा, जे अग्रपक्तिमे रहिके काम करठै, ओइनहे किटस डेना निर्णय अनुसार स्वास्थ्य सामग्री किटस हस्तान्तरण करल इन्सेक सुदूरपश्चिम प्रदेश खडकराज जोशी बटैलै ।
खास करके अब्बे मानव अधिकार रक्षकहुक्रे प्रत्यक्ष अप्रत्यक्ष रुपमे अग्रपक्तिमे रहिक काम करे पर्ना हुइल ओरसे एक ठो स्याम्पलके लाग स्वास्थ्य सामग्री किट हस्तान्तरण करल संयोजक जोशी बटैलै ।
हमार माग का हो कलेसे ओइनहे सुरक्षाके सामग्रीके अइसिन चिजके लाग अतिआवश्यक रहठ, उहीहे मध्यनजर करटी स्वास्थ्य सामग्री किट डेहल हो, संयोजक जोशी कहलै, यीसंगे मानव अधिकार रक्षकहुकन क्षमता विकास कैना जरुरी बा ।
उहाँ कहलै, हम्रे मानव अधिकार सहायता कक्षमे एक लाखके बजेट, फन्डफे रख्ले बटी, ओम्ने कौनो रक्षकहुक्रे अपनही वा, जोखिममे परल नागरिकहुकन छोटमोट सपोट करे परलेसे ओम्नेसे सहयोग करे सेक्ना रहल ओरसे यी मानव अधिकार रक्षक परियोजना अन्र्तगत हम्रे सक्कु गतिविधि करटी रहल बटी ।
