प्रभुराम शर्मा कायम मुकायम प्रधानसेनापति नियुक्त
काठमाडौं, १७ सावन । राष्ट्रपति विद्यादेवी भण्डारी बालाधिकृत रथी प्रभुराम शर्माहे कायम मुकायम प्रधानसेनापति नियुक्त करले बटि ।
सैनिक ऐन, २०६३ के दफा ८ के उपदफा (३) अनुसार नेपाल सरकार, मन्त्रीपरिषद्के सिफारिसमे राष्ट्रपति भण्डारी बालाधिकृत रथी शर्माहे कायम मुकायम प्रधानसेनापति नियुक्त करल हुइटि ।
राष्ट्रपति कार्यालयके प्रवक्ता जगन्नाथ पन्तसे जारी विज्ञप्तिमे कहल बा, ‘‘ नेपाली सेनाके प्रधानसेनापति महारथी श्री पूर्णचन्द्र थापाके तीन वर्षे पादवधि मिति २०७८/५/२४ गतेसे समाप्त हुइना हुइल ओरसे अनिवार्य अवकाश पैना ओ निज मिति २०७८/४/२५ गतेसे घरबिदामे बैठ्ना हुइल ओरसे हाल जेष्ठ्ताके क्रममे रहल ब्य. नं. १३५३ बालाधिकृत रथी श्री पर्शुराम शर्माहे सैनिक ऐन, २०६३ के दफा (३) अनुसार नेपाल सरकार मन्त्रिपरिषद्के मिति २०७८/४/१२ गतेके निर्णयसे सिफारिस हुइल बमोजिम मिति २०७८/४/६ गतेसे लागू हुइनामेरिक नेपाली सेनाके कायम मुकायम प्रधानसेनापति तोकल बा ।’
