ट्याक्टर दुर्घटनामे ३ घाहिल

धनगढी, १७ सावन । धनगढीसे डोटी जाइबेर ट्याक्टर दुर्घटना हुइल बा । आज दिनके बजे धनगढीसे नेंगल ट्याक्टर कैलाली चुरे गाउपालिका–३, मगराउमे दुर्घटना हुइल कैलाली प्रहरी जानकारी डेले बा ।

उ ट्याक्टर धनगढीसे सरिया लोड करके डोटीके जोरायल जाइ टेहे । जोरायलके २६ वर्षिय चालक निर्मल साँउदसे चलाइल ट्याक्टर अनियन्त्रित हुके दुर्घटना हुइल प्रहरी जनैले बा । ट्याक्टर सडकसे करिब ३५० मिटर टरे गिरल बा ।

दुर्घटना हुके चालक, ट्याक्टरमे सवार २४ वर्षिय दिनेश सार्की ओ २५ वर्षिय जीतबहादुर साँउद घाहिल हुइल बटैं । घाहिलहुकनहे उपचारके लाग धनगढी नानल प्रहरी जनैले बा । घाहिल तीनु जहनके अवस्था गम्भीर रहल बा ।