नेपालमे कोरोना संक्रमितके संख्या ७ लाख नाघल

काठमाडौं, १९ सावन । नेपालमे कोरोना संक्रमितके संख्या ७ लाख नाघल बा । बिटल २४ घण्टामे १० हजार ६३८ पीसीआर परीक्षणमे २ हजार ४४८ जहनमे कोरोना भाइरस संक्रमण डेखाइल बा । यीसँगे नेपालमे कोरोना संक्रमण हुइनाके संख्या ७ लाख २ हजार ९७ पुगल बा ।

अस्टेक एन्टिजेन विधिसे करल ६ हजार ८० परीक्षणसे ९३५ जहनमे पोजिटिभ डेखाइल बा । २४ घण्टामे पीसीआर ओ एन्टिजेन विधिसे करल १६ हजार ७१८ परीक्षणमे ३ हजार ३८३ जहनमे संक्रमण पुष्टि हुइल मन्त्रालय जनैले बा ।

पछिल्का २४ घण्टामे थप १ हजार ९९४ जाने संक्रमणमुक्त हुइल बटैं । हालसम नेपालमे कोरोनामुक्त हुइनाके संख्या ६ लाख ६० हजार ११६ बा ।

नेपालमे कोरोना संक्रमणसे थप २४ जहनके मृत्यु हुइल बा । यीसँगे नेपालमे कोरोनासे मृत्यु हुइनाके संख्या ९ हजार ९२२ पुगल बा ।