सशस्त्र प्रहरी जवान कार्यालय परिसरभिटर मृत फेला

पहुरा समाचारदाता
धनगढी,२० सावन । कैलालीमे एक सशस्त्र प्रहरी जवान कार्यालय परिसरमे मृत अवस्थामे फेला परल बटै । सशस्त्र प्रहरी बल, नेपाल ३४ नम्बर गण हेडक्वाटर कैलालीमे कार्यरत सशस्त्र प्रहरी जवान डडेल्धुरा भागेश्वर गाउँपालिका–१ के ३१ वर्षीय हरिशकुमार शाही मृत अवस्थामे फेला परल हुइट ।

शाही कार्यालय परिसरभिटर उत्तरओरके कम्पाउण्ड लग्गे पानी जमल ठाउँमे घोपटय अवस्थामे मृत फेला परल जिल्ला प्रहरी कार्यालय कैलालीके प्रवक्ता प्रहरी नायब उपरीक्षक प्रतीक बिष्ट जानकारी डेलै ।

मृतक शाहीके शव परीक्षणके लाग सेती प्रादेशिक अस्पतालमे धारल प्रहरी नायब उपरीक्षक बिष्ट बटैलै ।