करेन्ट लागके एक्के घरके २ के मृत्यु
पहुरा |
२१ श्रावण २०७८, बिहीबार
बैतडी, २१ सावन । बैतडीमे करेन्ट लागके एक्के घरके दुई जहनके मृत्यु हुइल बा ।
जिल्लाके सुर्नया गाउँपालिका–५, स्वालीके २१ वर्षिय सन्तोष चन्द ओ १८ वर्षिय अमृत चन्दके करेन्ट लागके मृत्यु हुइल रौलेश्वर प्रहरी चौकीके प्रमुख प्रहरी सहायक निरीक्षक भानबहादुर चन्द जानकारी डेलैं ।
बुधके रात सवा ९ बजेओर दुनहुनहे करेन्ट लागल बटागिल बा । उहाँहुकनहे कैसिक करेन्ट लागल कना बाट एकीन नैहुइल उहाँ बटैलैं । मृतक दुनुजाने सहोदर दाजुभाई हुइट ।
घटनाके विषयमे थप अनुसन्धानके लाग इलाका प्रहरी कार्यालय पाटनसे टोली खटाइल इलाका प्रहरी कार्यालयके प्रमुख प्रहरी निरीक्षक राजेश शाही जानकारी डेलैं ।
