एसईईके नतिजा आज सार्वजनिक हुइटि

काठमाडौं, २३ सावन । राष्ट्रिय परीक्षा बोर्ड २०७७ सालके माध्यमिक शिक्षा परीक्षा (एसईई)के नतिजा आज सार्वजनिक करना हुइल बा । विद्यालयसे करल आन्तरिक मूल्यांकनहे बोर्डसे प्रमाणित करके नतिजा प्रकशन करे लागल हो ।

परीक्षा नियन्त्रण कार्यालय कक्षा १० एसईई परीक्षा २०७७ के नतिजा बोर्डके वेबसाइट, एसएमएस ओ आईभीआरसे हेरे सेक्ना मेरिक प्रकाशन करना हुइल बा ।

बोर्ड २०७७ सालके नियमित तथा ग्रेडवृद्धि परीक्षाके नतिजा इजी सर्भिस प्रालिसे ३४९४९ आकाश टेक प्रालिसे ३१००३ ओ जानकी टेक्नोलोजी प्रालि मार्फत् ३५००१ मे एसएमएस करके हेरे सेक्ना ओ नेपाल टेलिकममार्फत १६०० एनसिएलसे १६०० मे एसएमएस करके पटा पाइ सेक्ना व्यवस्था करले बा ।

अस्टेक बोर्ड २०७७ के एसईईके नतिजा टमान फर्म ओ संस्थानसे समेत सार्वजनिक करना जनैले बा । बोर्डसे बोर्डके अफिसियल बेवसाइटसे, नेपाल टेलिकम, द कनसेप्ट प्लस प्रालि इडियु संजाल नेपाल टेलिकम, कान्तिपर डिजिटल कर्प प्रालि ओ एनसेलके वेबसाइटसे सार्वजनिक करना हुइल बा ।

परीक्षार्थी www.see.gov.np,  www.neb.gov.np,  www.theconnectplus.com,  www.see.edusanjal.com,  www.see.ntc.net.np,  www.ekantipur.com,  www.ncell.axiata.com  से एसईईके नतिजापटा पाइ सेक्न व्यवस्था बोर्ड करले बा ।