अपाङ्गता रहल व्यक्ति, गर्भवती ओ सुत्केरीहुकन खाद्यन्न तथा सरसफाई सामग्री वितरण

पहुरा समाचारदाता
धनगढी,२३ सावन । महिला पुनर्स्थापना केन्द्र (ओरेक) कैलालीके सहयोगमे अपाङ्गता रहल व्यक्ति, गर्भवती ओ सुत्केरीहुकन खाद्यन्न तथा सरसफाई सामग्री वितरण कैगिल बा ।

कोभिड महामारीसे उत्पन्न सवालहे सम्बोधन कैना कैलारी गाउँपालिका ओ गौरीगंगा नगरपालिकाके १०० जाने अतिबिपन्न परिवारके अपाङ्गता रहल व्यक्ति, गर्भवती तथा सुत्केरी महिलाहुकन खाद्यन्न तथा सरसफाईके सामग्री वितरण ओरेक कैलालीके कार्यक्रम अधिकृत गीता चौधरी जनैली ।

उहाँहुकनहे कैलारी गाउँपालिकाके उपाध्यक्ष लक्ष्मी सत्गौवा ओ सम्बन्धित वडाके अध्यक्षहुकनसे वितरण करल रहे ।