परीक्षा स्थगितके माग

काठमाडौं, २५ सावन । परीक्षा स्थगित कैना माग करटी त्रिभुवन विश्व विद्यालय कीर्तिपुर आघे प्रदर्शन हुइल बा । सोम्मार विश्व विद्यालय आघे भेला हुइल विद्यार्थीहुक्रे भौतिक रुपमे लेना परीक्षा स्थगित करके अनलाइन माध्यमसे परीक्षा लेना माग करले रहिट ।

ओइने कक्षा १२ के परीक्षा स्थगित हुइलेसेफे त्रिविसे भर परीक्षा जारी राखल कहटी आपत्ति जनैले रहिट । विद्यार्थी प्रनिशा बानियाँसे अब्बे जारी रहल परीक्षा कौनो स्वास्थ्य मापदण्ड पालना बिना सञ्चालन करल कहटी तत्काल भौतिक रुपमे लेना परीक्षा स्थगित करके वैकल्पिक माध्यम अपनैना माग करलै ।

नेपाल टेलिकमके एसईई अफर

विद्यार्थीनहे निःशुल्क सिमके साथमे रजिष्ट्रेशन प्याक ओ रिचार्ज प्याकमे बोनसफे काठमाडौं, २५ सावन । नेपाल टेलिकमसे एसईईके विद्यार्थीहुकनके लाग एसईई अफर सहितके निःशुल्क सिम उपलब्ध करैना बा । उ सिम नेपाल टेलिकमके देशभरके कार्यालयसे निःशुल्क उपलब्ध हुइना टेलिकम जनैले बा । विद्यार्थीसंग पहिलेसे नेपाल टेलिकमके सिम बा कलेसे उहे सिममे यी अफर उपलब्ध करैना व्यवस्था समेत करल बा ।

नया सिम प्राप्त करेक लाग विद्यार्थीहुक्रे कक्षा १० के कौनो मार्कसिटके फोटोकपी, एकप्रति फोटो ओ अपन वा अभिभावकके नागरिकता वा और परिचय पत्रके फोटोकपी संलग्न करके फाराम भरे पर्ना बा । सिम लेसेकलपाछे स्टुडेन्ट रेजिष्ट्रेशन प्याक प्राप्त करेक लाग नयँ मोबाइल नम्बरसे ८ज्ञटण्ण्३ मे डायल करके प्राप्त निर्देशन बमोजिम सिम्बोल नम्बर ओ जन्म मिति (विक्रम सम्वत) उल्लेख करे परठ ।

उ स्टुडेन्ट रेजिष्ट्रेशन प्याकसे नेपाल टेलिकमके नेटवर्कभिटर दैनिक १० मिनेट बाटचित कैना ओ १० ठो एसएमएस पठैना तथा १०० एमबी डाटा प्रयोग करे सेक्ना टेलिकम जनैले बा । यी अनुसार ३० दिनसम ३ हजार एमबी डाटा, ३०० मिनेट टक टाइम ओ ३०० ठो एसएमएसके सुविधा प्राप्त हुई ।

यी अफर रहल नया सिममे बोनस अन रिचार्ज प्याक समेत उपलब्ध बा । यी प्याकमे ५० वा उहीसे ढेर रकम रिचार्ज करेबेर प्रत्येक रिचार्जमे जौनफे समयमे फे ५०० एमबी डाटा चलैना, नेपाल टेलिकमके नेटवर्क भिटर ५० मिनेट कल ओ ५० ठो एसएमएस पठाई सेक्ना बोनस सुविधा समेत उपलब्ध हुई । यी सुविधा ६ महिनासमके रिचार्जमे उपलब्ध हुई । बोनस वापत यैसिक प्राप्त हुई सुविधा ३ दिनभिटर प्रयोग करसेके पर्ना बा ।

विद्यार्थीहुक्रे पहिलेसे प्रयोग करटी रहल नेपाल टेलिकमके मोबाइल नम्बरमे स्टुडेन्ट रजिष्ट्रेशन प्याक सुविधा उपयोग करे परलेसे प्रयोग करटी रहल मोबाइलसे ८ज्ञटण्ण्३ मे डायल करके प्राप्त निर्देशन बमोजिम सिम्बोल नम्बर ओ जन्म मिति उल्लेख करे परी । ओकरपाछे नेपाल टेलिकमसे प्राप्त सूचनाके आधारमे उ सिमहे विद्यार्थी सिमके रुपमे रजिष्टर करठ ।

एसईईके विद्यार्थीहुकनके लाग कम्पनीसे निःशुल्क प्रदान करल वा पहिलेसे प्रयोगमे रहल विद्यार्थी सिमके रुपमे रुपान्तरण करल सिम कार्डमे आवश्यकता बमोजिम ई–शिक्षा प्याकेजफे लेहे सेक्जाई । यी आघे ई–शिक्षा प्याकेजमे प्रदान करल सकारे ५ बजेसे सकारे १० बजेसम केल प्रयोग करे सेक्ना समयावधिहे थप करके आबसे सकारे ५ बजेसे साझ ५ बजेसम प्रयोग करे सेक्ना बनाइल कम्पनी जनैले बा ।

नया सिम प्राप्त करल विद्यार्थीहुक्रे सिम कार्डमे मेन ब्यालेन्सके रुपमे उपलब्ध हुइना १० रूप्यासे जौनफे नेटवर्कमे कल कैना, एसएमएस पठैना वा डाटा चलाई सेक्ही कलेसे यी बाहेक ४० मिनेट टक टाइम ओ २० ठो एसएमएस सहितके सुविधा एक महिना भिटर नेपाल टेलिकमके नेटवर्कमे प्रयोग करे सेक्ही । ओस्टेक करके उहे अवधिमे ६० एमबी डाटाफे चलाई सेक्ही । हालहे एसईई अफर सहितके नया सिम तीन महिनासम उपलब्ध हुई ।