हत्याके अभियुक्त पुर्पक्षके लाग कारागार चलान

कञ्चनपुर, २५ सावन । कञ्चनपुरमे एक पूर्व शिक्षकके हत्याके अभियुक्तहे पुर्पक्षके लाग कारागार चलान करल बा ।

जिल्लाके भीमदत्त नगरपालिका–९ खल्लामछेट्टीके पूर्व शिक्षक गणेश बोहराके असार २० गते कुटपिटपाछे मृत्यु हुइल रहे । ओहकान हत्याके आरोपमे पक्राउ परल प्रकाश पाल, ओहकान गोसिनीया मधु कहना रुक्मा पाल ओ डम्दा लालबहादुर बोहराहे अदालतसे पुर्पक्षके लाग कारागार चलान करल हो ।

जिल्ला अदालतके श्रेस्तेदार जयन्ती अवस्थी(भट्ट)से १२ सावनमे जिल्ला आदालतमे मुद्दा दर्ता होके १९ सावनमे थुनछेक बहस हुइल ओ कञ्चनपुर जिल्ला आदालतके न्यायाधिश शिवलाल पाण्डेके एकल इजलाससे तिनु जनहनहे कारागार चलान कैना आदेश डेहल बटैली ।

ओस्टके उहे प्रकरणमे पक्राउ परल अन्य २ जाने धरौटीमे रिहा हुइल बाटै । हंश पाल २ लाख ५० हजार ओ गोमती पाल ५० हजार धरौटी तिरके रिहा हुइल हुइट ।