महिला नेतृत्व विकास तथा क्षमता अभिवृद्धि तालिम

पहुरा समाचारदाता
हसुलिया, २७ सावन । दलित महिला अधिकार मञ्च नेपालके आयोजनमे महिलाके नेतृत्व विकास तथा क्षमता अभिवृद्धि सम्बन्धि २ दिने तालिम मंगरके रोज कैलारी गाउँपालिकाके हसुलियामे शुरु हुइल बा ।

डिसिएके सहयोगमे दलित महिला अधिकार मञ्चसे सञ्चालित महिला सशक्तीकरण परियोजना अन्तर्गत पाछे पारल दलित एंव सीमान्तकृत समुदायके महिलाहुकनके नेतृत्व विकास, क्षमता अभिवृद्धि, सशक्तीकरण करना उद्देश्यसे आयोजना करल दलित महिला अधिकार मञ्च नेपालके अध्यक्ष सावित्रा घिमिरे जानकारी डेली । तालिममे सहजीकरण अधिकारकर्मी गोमा आचार्य सहजीकरण करटि ।

तालिममे कैलारी गाउँपालिकाके १३ महिला समूहके २५ जहनके सहभागीता रहल बा ।