धनगढीमे मन्त्रालयसहित डुबान

धनगढी, २८ सावन । धनगढी उपमहानगरपालिकामे रातभर पानी आके डुबान हुइल बा । बिफेक रोज विहान पानी परके धनगढीके एलएनचोक सुदूरपश्चिम प्रदेश सभा, आन्तरिक मामिला तथा कानून मन्त्रालयलगायत बजार क्षेत्रके वडामे सय ढेर घर डुबानमे परल रहे ।

उपमहानगरपालिकाके वडा नम्बर १, ३, ४, ५, ७, ८ लगायतके वडामे घर ओ पसलमे पानी पेलल बा ।

जिल्ला प्रशासन कार्यालय कैलालीके सूचना अधिकारी शिवराज जोशी टमान क्षेत्र जलमग्न हुइल बटैलैं । उहाँ कलैं, ‘विस्थापित हुइवाला डुबान टे नैहो हुइल । मने टमान क्षेत्र ओ घरेम पानी पेलल बा ।’ वर्षासे स्थानीयवासीके खेतबारी जलमग्न हुके तलाउजस्टे डेखाइल बा ।