कोरोना प्रभावित व्यवसायहे केन्द्रमे ढरके मौद्रिक नीति सार्वजनिक

काठमाडौं, २९ सावन । कोरोनासे असर परल उद्योग व्यवसायहे प्रवद्र्धन करना लक्ष्यके साथ नेपाल राष्ट्र बैंक चालु आर्थिक वर्षके मौद्रिक नीति सार्वजनिक करले बा । केन्द्रीय बैंकके गभर्नर महाप्रसाद अधिकारी शुकके रोज मौद्रिक नीति सार्वजनिक करटि कोरोनाके असर न्यून करना यीआघे नानल पुनरुत्थान कर्जाहे निरन्तरता डेहल जानकारी डेलैं ।

नीतिमे कोरोनाके कारण सबसे ढेर प्रभावित हुइल होटल, पर्यटन तथा हवाई क्षेत्रहे विशेष चासके साथ सम्बोधन करल बा । कोरोनाके कारण नगद प्रवाहमे समस्या हुइल क्षेत्रहे समेत मौद्रिक नीति विशेष चास डेले बा ।

अस्टेक, कोरोनासे समस्यामे परल सार्वजनिक यातायातके मर्मतसम्भारके लाग थप दुई लाखसमके ऋण डेना व्यवस्था करल बा । स्थिर विनिमय दरके व्यवस्था, वित्तीय स्रोत परिचालनके दायरा चाकल बनाइल बा कलेसे ब्याजदर करिडोर, ब्याजदर स्थायित्व कामय हुइना मेरिक व्यवस्थापन करल बा ।

अस्टेक, विप्रेषण बैंक तथा वित्तीय संस्थामे रहल अवस्थामे थप ब्याज पैना नयाँ व्यवस्था नीतिमे करल बा । गभर्नर अधिकारीके अनुसार विप्रेषण रकम बैंकिङ प्रणालीमे ढरल सन्दर्भमे हाल पैना ब्याजदरमे थप एक प्रतिशत ढेर पैना व्यवस्था करल बा ।

मौद्रिक नीति पूर्णपाठके लाग यहाँ क्लीक करि

सम्बन्धित समाचार

मूल्यवृद्धिदर ६.५ प्रतिशत भित्तर ढरना लक्ष्य