पिना पानी धाराके उदघाटन

पहुरा समाचारदाता
धनगढी,३० सावन । धनगढी उपमहानगरपालिका वडा नम्बर ८ के कार्यालय आघे समाजसेवी चन्द्रसिंह चौधरीसे निर्मित पिनापानी धाराके उदघाटन कैगिल बा ।

समाजसेवी चौधरी अपन स्वर्गिय डाई नोखियादेवी डगौरा ओ स्वर्गिय गोसिनिया प्रतिभा चौधरीके पुण्य स्मृतिमे बनागिल उ पिनापानी धाराके उदघाटन थारु समुदायके टिहुवार गुरहीके अवसर कैगिल निर्माणकर्ता समाजसेवी चन्द्रसिंह बटैलै ।

उ पिनापानी धाराके उदघाटन धनगढी उपमहानगरपालिकाके नगरप्रमुख नृप बहादुर वड, वडा नम्बर ८ के अध्यक्ष नारायण बराल करल रहिट । समाजसेवी चन्द्रसिंह चौधरी रोदन फार्मेसी प्रालि के प्रमुखफे हुइट ।