अवैध लागूऔषध सहित ४ जाने पक्राउ

पहुरा समाचारलाता
काठमाडौं, १ भदौ । काठमाण्डौं, कागेश्वरी मनोहरा नगरपालिका–५ थलि मिलन चोक डेरा करके बैठना सर्लाही हरिवन नगरपालिका–९ घर रहल ४२ वर्षीय संजिव राईहे १८ केजी अवैध लागूऔषध गाँजा ओ नगद १३ हजार रुप्या सहित सोम्मार दुुपह्र प्रहरी पक्राउ करले बा । राई लागूऔषध बिक्री करल कना सूचनाके आधारमे महानगरीय प्रहरी वृत्त बौद्धसे खटल प्रहरी उहाँहे उ गाँजा सहित फेला पारी पक्राउ करल हो ।

ओस्टेक जनकपुर उपमहानगरपालिका–४ मुरली चोकस्थित सडकमे बा.५ प १४० नम्बरके गाडीसे १ सय २० किलो अवैध लागूऔषध गाँजा सहित मकवानपुर हेटौंडा उपमहानगरपालिका–१९ सिरानचोक बेसी बैठना ३२ वर्षीय विर बहादुर ब्लोनहे सोम्मार साँझ प्रहरी पक्राउ करले बा । उ गाडीहे २ नम्बर प्रदेश प्रहरी कार्यालय जनकपुर ओ जिल्ला प्रहरी कार्यालय धनुषासे खटल प्रहरी जाँच कैना क्रममे गाडीभिटर रहल पानीके ट्यांकीभिटर उ परिमाण्के गाँजा फेला पारके गाडी चालक ब्लोनहे पक्राउ करल हो ।

ओस्टेक कपिलवस्तु जिल्ला कृष्णनगर नगरपालिका–८ बहादुरगंज चोकसे २३ ग्राम अवैध लागूऔषध ब्राउनसुगर जैसिन विल्गैना पदार्थ सहित कृष्णनगर नगरपालिका–२ पानी टं्याङ्की बैठना ३८ वर्षीय अखिल रानाहे सोम्मार साँझ प्रहरी पक्राउ करले बा ।

लु.१५ प ११९४ नम्बरके मोटरसाइकलहे ईलाका प्रहरी कार्यालय बहादुरगंज ओ ईलाका प्रहरी कार्यालय कृष्णानगरसे खटल प्रहरी जाँच कैना क्रममे उ पदार्थ फेला पारके मोटरसाइकल चालक रानाहे पक्राउ करल हो । साथे उ लागूऔषध खरिद करे आइल प्युठानके प्युठान नगरपालिका–८ खप्रिङ खोला बैठना २९ वर्षीय बिकास महोत्रा क्षत्रीहे समेत नगद १४ हजार रुप्या सहित प्रहरी पक्राउ करले बा । यी सम्बन्धमे प्रहरी थप अनुसन्धान करटी रहल बा ।