मोहना लडियाके बाढसे धानबाली नष्ट
पहुरा समाचारदाता
धनगढी, १२ भदौ । शुकके रोज मोहना लडियामे आइल बाढसे मोहनपुर गाउँके किसानन्के धानबाली नष्ट करले बा । बाढसे कैलारी गाउँपालिका वडा नम्बर ३ मोहनपुर गाउँके किसानहुक्रनके धानबाली ओ गन्नाबाली नष्ट करल हो ।
बाढसे धानबाली नष्ट कैनाके साथे विद्युत पोल फेन ढलाइल वडा अध्यक्ष कैलाश चौधरी बटैलै । उहाँ मोहनपुर गाउँके किसानहुक्रनके ३ बिघा क्षेत्रफलमे लगाइल गन्ना ओ करिब ५०/६० बिघा क्षेत्रफलमे लगाइल धानबाली नष्ट करल बटैलै ।
साथे अध्यक्ष चौधरी विद्युत पोल ढलाइ कारण विद्युत सेवा फेन अवरुद्ध हुइल बटैलै । अब्बे विद्युत नैहोके मोहनपुर गाउँके स्थानीयहे अन्धारमे बैठे पर्र्ना बाध्यता रहल बा ।
लडियामे आभिन बाढ फेन घटल नैहो । लडियासे धान लगाइ खेट्पवा फेन कटान करटी रहल स्थानीय बटैले बाटै । गाउँपालिकाके सहयोगमे बनाइल तत्बन्ध फेन लडियासे पुहाके लैगिल अध्यक्ष चौधरी बटैलै ।
