थारु समुदायके चेलीबेटीहुकनके आज अष्टिम्की

पहुरा समाचारदाता
धनगढी, ६ भदौ । हिन्दू धर्मवलम्वीहुक्रे आज टमान मठ मन्दिरमे पूजाआजा करके भगवान श्रीकृष्णके जन्मोत्सव मनाइटैं । कलेसे पश्चिमा थारु समुदायके चेलीबेटीहुक्रे भर घरक् भित्तामे कृष्ण चरित्रके टमान आकृतिहे हस्तकलासे सजाके अष्टिम्की टिकके मनाइटैं ।

सुर्खेतसे पश्चिम कञ्चनपुर जिल्लासम बासोबास रहल थारु समुदायके चेलीबेटीहुक्रे अष्टिम्की हर्षोल्लासपूर्वक अष्टिम्की मनैठैं ।

पृथक मौलिक चालचलन तथा संस्कृति बोकल आदिवासी थारु समुदायके ब्रतालु चेलीबेटीहुक्रे अँट्वारके रोज (भदौ १३ गते) रातके दर खाके आज दिनभ ब्रत रहहि । उहाँहुक्रे आज विहानसम पूजापाठ करके अष्टिम्की मनैहि ।