धनगढीमे घरजग्गा विक्री केन्द्र खुलल
पहुरा समाचारदाता
धनगढी, १४ भदौ । धनगढीमे घरजग्गा विक्री केन्द्र खुलल बा । धनगढी उपमहानगरपालिका–१, एलएनचोकमे जमिनसहित दुई करोड लगानीमे घरजग्गा विक्री केन्द्र खुलल हो । धनगढीके युवा उपेन्द्र अवस्थी उ घरजग्गा विक्री केन्द्र खोल्ले बटैं ।
उ घरजग्गा खरिद विक्री केन्द्र व्यवसायिक रुपम सुदूरपश्चिम प्रदेशके पहिलो हो । फारवेष्ट रियल स्टेट मल्टिपरपज सर्भिसज नाम डेहल घरजग्गा विक्री केन्द्र धनगढीके एलएनचोकमे कार्यालय ढरले बा । केन्द्रके सोम्मार एक कार्यक्रमके बीच समाजसेवी देवराज अवस्थी उद्घाटन करलैं ।
घरजग्गा विक्री केन्द्र नैहुके ग्राहकहुक्रे ठगुपैटिरहल ओरसे व्यवसायिक रुपमे खोलल फारवेष्ट रियल स्टेट मल्टिपरपज सर्भिसजके व्यवस्थापक उपेन्द्र अवस्थी बटैलैं । ‘पाछेक समय धनगढीमे घरजग्गा किनबेच बह्रल बा,’ उहाँ कलैं, ‘मने व्यवसायिक रुपमे किनबेच नैहुके दलालहुकनसे हुइल ओरसे ठगल टमान उदारण बा । यिहिनहे रोक्न हमार उद्देश्य हो ।’ उहाँ घरजग्गा किनेबेर दलालहुकनके फन्दामे नैपरना समेत आग्रह करले बटैं ।
फारवेष्ट रियल स्टेट मल्टिपरपज सर्भिसज अन्तर्गत अमिन, घर भाडामे, फल्याट घाडामे, गाडी भाडामे, सटर भाडामे ओ दक्ष मिस्त्रीके सेवा फेन रहल बा ।
