हिमालयन रोडिज सिजन ४ के प्रिअडिसनके घोषणा
पहुरा समाचारदाता
धनगढी, १८ भदौ । चर्चित टीभी रियालिटी शो हिमालयन रोडिज सिजन ४ के प्रिअडिसनके घोषणा कैगिल बा ।
कैलालीके धनगढीमे भदौ २१ गते प्रिअडिसनके रियालिटी शो हुइना जनागिल बा । युवाहुकनके लोकप्रिय मोटरसाइकल ब्राण्ड यामाहा युवा सशक्तिकरणके लाग रोडिजसँग दुसरा सिजनसे आबद्ध बा ।
पछिल्का तीन सिजनसे निरन्तर रोडिजसंग जोरल यामाहा हिम्मत अभिबृद्धि करेक लाग शहरी क्षेत्रसे केल नइहुके ग्रामीणके प्रतिभाहुकन नानेक लाग प्रि–अडिसन सुरू करले बा । जौन नेपालके पन्ध्र टमान ठाउँमे सम्पन्न हुई । रेमण्डदास श्रेष्ठके संचालन रहना चौठा सिजनके थिम “सिजन अफ सर्भाइभल“ रहनाफे जनाइल बा ।
ग्याङ लिडर फर्म्याटमे अठार भाग रहना शो मे अनुप विक्रम शाही(टिमरेड), लाउरे (टिमग्रीन), समन (टिमब्लू) रदिया मास्के (टिमयेल्लो) ग्याङ लिडरके रूपमे रहिही ।
नेपाली फ्रेन्चाइज शो के रूपमे हिमालयन टीभीमे प्रसारण हुइटी रहल हिमालयन रोडिजके टिसरा सिजन सुजन सुवेदी जिटल रहिट जेकर प्रि–अडिसनमे दुई हजारसे ढेर युवा सहभागी हुइल रहिट ।
युवाहुकनके लोकप्रिय रियालिटी शो के चौठा सिजनके प्रिअडिसन शो नारायणघाट, भैरहवा, बुटवल, विराटनगर, इटहरीमे १८ गते, बाग्लुङ, दाङ, हेटौँडा ओ धरानममे भदौ १९ गते, स्याङ्जा, विर्तामोड, सुर्खेत ओ बर्दिबासमे भदौ २० गते, दमौलीमे २१ गते, हुइना बा ।
