पुष्प ओ गीता अभिनित माया मोहनी थारू म्युजिक भिडियो सार्वजनिक

पहुरा समाचारदाता
धनगढी, १९ भदौ । अभिनेता पुष्प खड्काके पहिल थारू म्युजिक भिडियो सार्वजनिक हुइल बा ।

माया मोहनी बोलके गीतमे उहाँ गीता ढुंगानासंग अभिनय करले बाटै । सुवेश कठरियाके शब्द रहल गीत गायिका अन्नु चौधरी ओ मुनाल महतों स्वर डेले बाटै । म्युजिक भिडियोमे मोडल सुनिता दहित ओ ऋषिके फेन अभिनय रहल बा ।

म्युजिक कम्पोज मनोज महतो करले बाटै कलेसे एरेन्ज गणेश चौधरीके रहल बा । भिडियोके स्क्रिप्ट ओ डाइरेक्सन सुरजदेव कुशम्याके रहल बा । आर्ट डाइरेक्सन पर्नव अकाशके रहल बा कलेसे प्रोड्यूसर कुमनारायण महतो रहल बाटै । क्यामेरा पर्सन ज्ञानेन्द्र शर्मा ओ एडिट रामु चौधरी करले बाटै ।

भिडियो मार्फत थारू समुदायमे जरा गारके बैठल रुढिबादी परम्परा, अन्धविश्वास, जादुतोना हटैना ओ जनचेतना फैलाइ खोजल बा ।