निजामती सेवा दिवशके अवसरमे वृक्षारोपण
पहुरा समाचारदाता
धनगढी, २१ भदौ । आठौं निजामती सेवा दिवसके अवसर पारके कैलालीके धनगढी उपमहानगरपालिका–७ मे रहल देवहरिया सामुदायिक वनमे वृक्षारोपण करल बा ।
‘व्यवसायिक ओ सृजनशिल प्रशासन्विकास समृद्धि ओ सुशासन’ कना मुल नाराके साथ सुदूरपश्चिम प्रदेशके प्रमुख सचिव मधुसूदन बुर्लाकोटीके बर्का पहुनाइमे वृक्षारोपण करल हो ।
मसला, टिक, रुद्राक्ष, श्रीखन्ड लगायतके करिब एक हजार बिरुवा लगायल बा । वृक्षारोपण कार्यक्रममे प्रमख सचिव बुर्लाकोटी टमान दिवसके अवसर पारके तथा अभियानके रूपमे समेत वृक्षारोपण कैटी अइलेसे फेन रेखदेखके अभावमे कम मात्र विरुवा जम्ना बटैलै ।
‘पाछेक समय बिरुवा लगैना काम फेसनके रूपमे डेखा परल बा’, उहााँ कहलै । लगाइल विरुवाहे मजासे रेखदेख कैके सत प्रतिशत बिरुवा बचाइ परल ।’
कार्यक्रममे प्रदेश रहल टमान मन्त्रालयके सचिव, प्रमुख जिल्ला अधिकारी, कैलाली जिल्लामे रहल सरकारी कार्यलयके प्रमुख लगायत निजामती कर्मचारीहुक्रनके उपस्थिति रहल रहे ।
कार्यक्रमके व्यवस्थापन डिभिजन वन कार्यलयके धनगढी प्रमुख रामचन्द्र कडेल करल हुइट । विरुवा डिभिजन वन धनगढी उपलब्ध कराइल रहे ।
