मुद्दा लागके फरार दुई पक्राउ
पहुरा समाचाररदाता
धनगढी, २२ भदौ । चोरी मुद्दामे सजायके फैसला हुके १५ बर्षसे फरार एक जाने पक्राउ परल बटै ।
पक्राउ परलमे कैलाली भजनी वडा नं. १ बैठना बर्ष ४३ के हरिओम चौधरी रहल बटै ।
२०६३ फागुन ३ गतेके सम्मानित कञ्चनपुर जिल्ला अदालतके फैसलासे १ महिना कैद ओ एक लाख साठी हजार जरिवाना हुके फरार रहल हुकहिनहे जिल्ला प्रहरी कार्यालय कैलालीसे खटल प्रहरी टोली करल रहे ।
हुकहिन भदौ २१ गते भजनी नगरपालिका वडा नं. १ से पक्राउ करके सम्मानित कैलाली जिल्ला अदालतमे पेश करल बा ।
ओस्टेक चोरी मुद्दामे फरार एक व्यक्ति पक्राउ परल बटै । २०७६ कार्तिक १८ गतेके सम्मानित कैलाली जिल्ला अदालतके फैसलासे २ बर्ष ११ महिना ९ दिन कैद ओ तीस हजार जरिवाना हुके फरार रहल जिल्ला कैलाली गोदावरी नगरपालिका वडा नं. ५ बैठना बर्ष २३ के जीवन चौधरीहे प्रहरी टोली पक्राउ करले बा ।
चोरी मुद्दामे सजायके फैसला हुके करीब २ बर्षसे फरार रहल हुकहिनहे २०७८ भदौ २१ गते जिल्ला कैलाली गोदावरी नगरपालिका वडा नम्बर ५ से पक्राउ करके सम्मानित कैलाली जिल्ला अदालतमे पेश करल बा ।
