‘चञ्चल मोर मन’ के छायांकन सम्पन्न

पहुरा समाचारदाता
धनगढी, ३१ भदौ । थारु म्यूजिक भिडियो ‘चञ्चल चञ्चल मोर मन’ के छायांकन सम्पन्न हुइल बा । सुदूररपश्चिम प्रदेशके पहाडी क्षेत्रमे छायांकन हुइल भिडियो हाली बजारमे अइना निर्माण पक्ष जनैले बा ।

म्युजिक भिडियोमे मुकुन्द जिसी, सुशिला कार्की, आर्यन ओ अन्जु कुश्मीके मुख्य अभिनय रहल बा । गणेश चौधरीके संगीत रहल गीत अन्जु कुश्मी ओ गणेश चौधरीके स्वर रहल बा ।

पोष्ट प्रोडक्सन मल्टीफ्रेम स्टुडियोके रहल बा । भिडियोके छायांकन रोशन चौधरी करले बाटै । भिडियो मल्टीफ्रेम स्टुडियोके युट्यूव च्यानलसे सार्वजनिक हुइना जनाइल बा ।