ट्रकके ठक्करसे एकके मृत्यु
पहुरा समाचारदाता
धनगढी, १२ अगहन । कैलालीमे ट्रकके ठक्करसे एक जहनके मृत्यु हुइल बा ।
पूर्वपश्चिम रार्जमार्ग अन्तर्गत घोडाघोडी नगरपालिका, डोकेबजार गल्ले सुपप्र ०१–००८ प ५४७५ के मोटरसाइकहे पश्चिमसे पूर्व जैटिरहल लु १ ख ४६६६ के ट्रकके ठक्करसे घोडाघोडी–१, बेलारके ५० वर्षीय बसन्तराज शर्माके मृत्यु हुइल प्रहरी जनैले बा ।
मोटरसाइकल चालक शर्माके उपचारके क्रममे घोडाघोडी अस्पतालमे मृत्यु हुइल सुदूरपश्चिम प्रदेश ट्राफिक प्रहरी कार्यालय जनैले बा । ट्रकहे प्रहरी नियन्त्रणमे लेले बा कलेसे चालक फरार बटैं ।
यिहेबीच मृतकके आफन्त घोडाघोडी नगरपालिकाके सुखडमे पूर्वपश्चिम राजमार्ग अवरुद्ध कैले बटैं । राजमार्गमे टायर बारके प्रदर्शन करटि रहल उहाँहुक्रे दोषीहे कारवाही ओ पीडितहे क्षतिपूर्तिके माग कैले बटैं । राजमार्ग अवरुद्ध होके अँट्वार बिहानसे सवारीसाधन सञ्चालन हुइ सेकल नैहो ।
