बालविवाह रोक्टी किशोरकिशोरी
बैतडी, २४ अगहन । बालविवाहसे पारे सेक्ना असरके बारेमे जानकारी हुइलपाछे अब्बे बैतडीके किशोरकिशोरी बालविवाह अन्त्य कैना अभियानमे सक्रिय हुइल बाटै ।
बस्ती तथा विद्यालयमे किशोरकिशोरी समूह बनाके उहाँहुक्रे बालविवाह रोक्न अभियानमे लागल हुइट । बालविवाहसे समग्र मनैनके जीवनमे प्रभाव पर्ना हुइल ओरसे अपनेहुक्रे इ अभियानमे लागल मेलौली २ के किशोरी सहजकर्ता सुशीला भट्ट बटैली ।
उहाँ कहली‘अब्बे पहिलाके तुलानामे बालविवाह घटल बा । मने भागके हुइना बालविवाह चुनौतीके रुपमे आघे आइल बा । ओेहेमारे हम्रे गाउँगाउँमे बालविवाह नै करे परठ कहिके सम्झैटी रहल बाटी ।’बालविवाह अन्त्यके लाग संयुक्त राष्ट्रसंघीय जनसंख्या कोष युएनएफपीएके सहयोगमे भिएसओ, पिसविन लगायतके संस्थाहुक्रे किशोरकिशोरीहे उत्प्रेरणा डेटी रहल बाटै ।
जिल्लाके टमान ठाउँमे किशोरकिशोरी समूह गठन कैके बालविवाहसे पर्ना असरे बारेम रुपान्तरण कक्षा सञ्चालन हुइटी रहल संयुक्त राष्ट्रसंघीय जनसंख्या कोषके जिल्ला कार्यक्रम अधिकृत गणेश शाही बटैलै । अब्बे जिल्लाके ४ स्थानीय तहमे २४ ठो समूह गठन कैके बालविवाह अन्त्यके लाग छलफल ओ अन्तरक्रिया कैना करल बा ।
बालविवाहसे टमान खालके समस्या निम्त्याइटी रहल ओरसे ओकर अन्त्यके लाग रुपान्तरण कार्यक्रम सञ्चालन करल पिसवीनके कार्यकारी प्रतिनिधि हर्क ओली बटैलै । गाउँ तथा विद्यालयमे सञ्चालन हुइटी रहल रुपान्तरण कक्षासे बालविवाह अन्त्यके लाग सहयोग मिल्टी रहल दशरथचन्द नगरपालिका १ के किशोर उमेश बडु बटैलै ।
अब्बे अभिभावक समेत बालविवाहके बिषयमे जानकार हुइ लागल उहाँ बटैलै । उहाँ कहलै ‘हम्रे विद्यालयमे फेन रुपान्तरण कक्षामे छलफल करब । कक्षामे छलफल हुइल चीजहे डाइबाबाहे फेन सम्झैना करल बाटी ।’
रुपान्तरण कक्षामे बालविवाह अन्त्यके लाग साथे किशोरकिशोरीके अन्य बिषयमे फेन छलफल हुइना करल किशोरी सहजकर्ता लक्ष्मी कार्की बटैली ।
