जोरबिजोरके विरोधमे अटो चालक आन्दोलित

पहुरा समाचारदाता
धनगढी,४ पुस । ट्राफिक प्रहरी कार्यालयसे जोरबिजोर प्रणाली लागु करल विरोधमे अटो चालक आन्दोलित हुइल बटै ।

धनगढीके मुख्य बजार क्षेत्रमे अटो रिक्साके कारण जाम बढल पुस १ गतेसे अटोमे जोरबिजोर प्रणाली लागू करल रहे । अटो चालकहुक्रे अँटवारके रोज धनगढीके पार्क मोड मेन रोडमे अटोरिक्सा धारके आन्दोलनमे उत्रटल बटै । धनगढीके क्याम्पस रोडसे चौराहासमके मेनरोडमे जोरबिजोर प्रणाली लागू करल रहे ।

बिहान ओ साँझके समयमे धनगढीके ढेर जैसिन स्थानमे जाम लग्ना, खाली अटो रिक्सा समेत सडकमे नेंग्टी रहल रहल कारण ट्राफिक व्यवस्थापनमे बहुट समस्या रहल ओरसे ट्राफिक व्यवस्थापन व्यवस्थित करेक जोरबिजोर प्रणाली लागू कैना बाध्य हुइल जिल्ला ट्राफिक कार्यालय कैलालीके प्रमुख प्रहरी निरीक्षक वकिल बहादुर सिंह बटैलै ।