बजाज महा एक्सचेन्ज मेला सुरु
पहुरा समाचारदाता
धनगढी, ४ पुस । धनगढीमे बजाज महा एक्सचेन्ज मेला अँटवारसे सुरु हुइल बा । दिनेश अटोमोटिभ्स् धनगढीके आयोजनामे इहे पुस ४ गतेसे सुरु हुइल बजाज महा एक्सचेन्ज मेला पुस १० गतेसम मेला हुइना दिनेश ग्रुपके अध्यक्ष श्याम हमाल बटैलै ।
मेलाके उद्घाटन नेपाल उद्योग वाणिज्य महासंघके केन्द्रीय सदस्य तथा कैलाली उद्योग बाणिज्य संघके अध्यक्ष पुष्पराज कुवँर करले रहिट ।
दिनेश ग्रुपके अध्यक्ष श्याम हमाल एचएस बजाज समय–समयमे एक्सचेन्ज कार्यक्रम करटी आइल मने यी थोरिक भारी स्केलमे करे लागल ओरसे यिहीहे महाएक्सचेन्ज मेला रहल बटैलै । सात दिने कार्यक्रम रहल ओरसे जौनफे कम्पनी मोटरसाइकल नानके साटासाट करे सेक्ना उहाँ बटैलै ।
महामेलामे पुरान मोटरसाइकलके मजा मोल संगे लौवा मोटरसाइकल लेहुइयनहे उपहारफे रहल ओरसे यी स्कीमसे फाइदा लेना उहाँ आग्रह करलै । कार्यक्रम आर्कषक बनाइक लाग सांस्कृतिक कार्यक्रमसे जोरल अध्यक्ष हमाल बटैलै । सातदिनसम यहाँके नाँच, म्यूजिकसंग जोरना अध्यक्ष बटैलै ।
मेलामे बाइक लेहल विना गिरी ओ मोतीराम चौधरी चाँबी हस्तान्तरण कैगिल रहे । एचएस बजाजके प्रादेशिक सिनियार सेल्स म्यानेजर कपिल बोगटी मेलाके अवसरमे नगद खरिद करुइया ग्राहकहुक्रनके लाग ८ हजार नगद छुटके साथे हेलमेट, लेगगार्ड, बाइक कभर ओ बजाज व्याग उपलब्धक करैना बटैलै ।
महामेला धनगढी चौराहा स्थित दिनेश कन्सर्न माछापुछ्रे बैंक लग्गे हुइटी रहल बा । ओस्टके मेलामे मोटर साइकल खरिद करुइया ग्राहकहुक्रन टमान मेरिक अफर लानल जनाइल बा ।
मेलाके अवसरमे मोटर साइकल खरिद करुइया ग्राहकहक्रनहे शून्य प्रतिशत ब्याजदरमे ५० प्रतिशत डाउन पेमेन्टमे मोटर साइकल खरिद करे सेक्ना दिनेश अटोमोटिभ्सके प्रवन्धक तेजबहादुर बम जानकारी डेलै ।
यकर साथे मेलामे सांस्कृतिक र्काक्रम, फूड स्टल लगायत मोटरसाइकल रिकन्डिसनके स्टल फेन रहल बा ।
