कैलालीमे युवकके विभत्स हत्या
पहुरा समाचारदाता
धनगढी, ४ पुस । कैलालीमे एक जाने युवकके विभत्स हत्या हुइल बा । जिल्लाके जानकी गाउँपालिका वडा नम्बर ९ के २५ वर्षिय अरुण दासके विभत्स हत्या हुइल हो ।
हत्यापाछे दुई युवाबीच हुइल फोन रेकर्ड फेन सार्वजनिक हुइल बा । जोन, संवाद युवकके हत्यापाछे फोनमे करल हो । अडियो रेकर्डमे अपनहे मनोज नाम कना युवक औरे व्यक्तिसंग घटनाके बारेमा बाट करटा । उ घोचा ओ शरीर अलग कराइल कले बा । उ एक/दुई दिनभित्त पटा चल्ना ओ अप्ने यहाँ वहाँ पुग सेकल कले बा ।
अपने नेपालगञ्जके रुपडिया नाका होके भारत गैल फेन उ फोनमे कले बा । फोन रेकर्डमे टमान युवाहुकनके आवाज सुनजाइठ ।
यहोर जिल्ला प्रहरी कार्यालय कैलाली फेन हत्यापाछेक अडियो रेकर्ड प्राप्त हुइल जनैले बा । घटनाके थप अनुसन्धान हुइटिरहल प्रहरी जनैले बा ।
ओस्टेक,, गैल २३ कात्तिकमे लम्कीचुहा नगरपालिका–३ के २३ वर्षीय भूपेन्द्र बडुवालके धारियार हतियार प्रहार कैके हत्या हुइल रहे ।
कैलालीमे एकपाछे औरे हत्या हुइ लागलपाछे स्थानीयवासी त्रसित बनल बटैं ।
