१६ किलो चरेससहित २ जाने पक्राउ

धनगढी, १३ पुस । कैलालीमे १६ किलो चरेससहित दुई जाने पक्राउ परल बटै ।

अँटवार रात विशेष सूचनाके आधारमे सुदूरपश्चिम प्रदेश प्रहरी कार्यालय ओ जिल्ला प्रहरी कार्यालयसे खटल टोली चुरे गाउँपालिकाके खानीडाँडासे चरेससहित मनैनहे पक्राउ करल हो ।

बझाङसे धनगढी ओर अइटी रहल से १ ज ७१८ के जिपके सिटटरे नुकाके नन्टी रहल अवस्थामे चालक बझाङके बुङगल नगरपालिका–११ के २८ वर्षीय वीर बोहरा ओ ४० वर्षीय गमीलाल बोहराहे पक्राउ करल जिल्ला प्रहरी कार्यालय कैलालीके प्रवक्ता प्रहरी नायब उपरीक्षक वेदप्रकाश जोशी बटैलै । ओइने दुनु जनहनहे नियन्त्रणमे लेके अनुसन्धान हुइटी रहल प्रहरी जनैले बा ।