ट्रयाक्टरसे मोटरसाईकल टक्राके एकके मृत्यु

पहुरा समाचारदाता
धनगढी,१३ पुस । सडकके छेउमे रोक्के धारल अवस्थामे ट्रयाक्टरके पाछे मोटरसाइकल टक्राके सुरेश बुढाके मृत्यु हुइल बा ।

मंगरके रोज ११ः५० बजेक समयमे जिल्ला कैलाली गोदावरी न.पा.९ बल्मीस्थित ट्याक्टर चालक जिल्ला कैलाली गोदावरी न.पा.९ बल्मी बैठना बर्ष २६ के लक्ष्मण कुमार रावतसे सु.प.प्र. ०–००२ त ६०७९ न. के ट्याक्टर ढुङगा लोड करके सडकके छेउमे रोक्के धारल अवस्थामे ट्रयाक्टरके पाछे चालक जिल्ला कैलाली लम्कीचुहा न.पा. ५ तिलकपुर बैठना बर्ष ४२ के बुढासे चलाइल सु.प.प्र.०१–००८ प ७१२७ न. के मोटरसाइकल टक्राके मोटरसाइकल गम्भीर घाहिल हुइल रहिट ।

उहाँहे सेती प्रादेशिक अस्पताल धनगढीमे उपचाई हुइटी रहलमे मोटरसाइकल चालकके उपचारके क्रममे मृत्यु हुइल जिल्ला प्रहरी कार्यालय कैलालीके प्रवक्ता प्रहरी नायव उपरीक्षक वेदप्रकाश जोशी बटैलै ।