लिपुलेकके मतदाताके नामावली संकलन कैना

पहुरा समाचारदाता
धनगढी, १४ पुस । नेपालके भौगोलिक चुच्चे नक्सामे समेटल महाकाली उपारके भू–भागमे फेन मतदाता नामावली संकलन हुइना हुइल बा । अब्बे निर्वाचन आयोगसे डुसरा चरणके मतदाता नामावली संकलन अभियानमे लिपुलेक, लिम्पियाधुरा ओ कालापानी क्षेत्रमे मतदाता परिचयपत्र संकलन हुइना बा ।

सरकारसे उ क्षेत्रके बासिन्दाके जनसंख्या जनगणनामार्फत समेटल लगत्ते उ क्षेत्रके नेपाली नागरिकहे मतदाता नामावलीमे समेट्ना तयारी करल हो । २०७७ साल जेठ ७ गते नेपालके अद्यावधिक चुच्चे नक्सा सार्वजनिक करल रहे । उहे अनुसार चुच्चे नक्सामे नेपालके भूभागके रूपमे लिपुलेक, लिम्पियाधुरा ओ कालापानी क्षेत्र प्रस्ट रूपमे समेटल बा ।

पहिलेसे नै नेपालके भूभाग रहटी आइल रलेसे फेन छिमेकी मुलुक भारतसँगके विवादके कारण उ भूभागमे औपचारिक गतिविधि कम रहल रहे । मने इ बरस हुइल जनगणनासे नेपाल सरकारके औपचारिक उपस्थितिहे बलगर बनैले बा ।

गृह मन्त्रालयके प्रवक्ता प्रदीपकुमार कोइराला कहलै, ‘वहाँके बासिन्दाके नाउँ मतदाता नामावलीमे समेटजाइ अनि आगामी निर्वाचनमे उहाँहुक्रे सहभागिता जनाइ पैही ।’ ओहकान अनुसार केन्द्रीय तथ्यांक विभागसे टमान माध्यसे वहाँके नेपालीके लगत जनगणनामार्फत लेके आसेकल बा ।