पटेला सामुदायिक वनके अध्यक्षमे फेरसे अर्जुन

पहुरा समाचारदाता
धनगढी, २५ पुस । धनगढी उपमहानगरपालिका–७ स्थित पटेला सामादायिक वन उपभोक्ता समुहके एघारौं बार्षिक साधारणसभा तथा पाँचौ अधिवेशन शनिच्चरके रोज हुइल बा ।

पाँचौ अधिवेशन अधिवेशनसे फेर अर्जुन चौधरीके अध्यक्षतामे ११ सदस्यीय लौव कार्यसमिति निर्विरोध चयन हुइल बा । समितिके उपाध्यक्ष धर्मसिंह चौधरी, सचिवमे चन्द्रा कुमारी चौधरी, कोषाध्यक्षमे विकेराम खाती, सहसचिवमे छेदुराम चौधरी, सदस्यमे सुशिल चौधरी, सुमित्रा चौधरी, सोमती चौधरी, प्रेमी चौधरी, सुनिता चौधरी ओ मञ्जु चौधरी रहल बटै ।

यिहीसे आघे एघारौं बार्षिक साधारणसभा तथा पाँचौ अधिवेशनके उदघाटन धनगढी उपमहानगरपालिका–७ के अध्यक्ष सिताराम राना करले रहिट । कार्यक्रम अर्जुन चौधरीके अध्यक्षतामे हुइल रहे । कार्यक्रममे उपभोक्ता श्रीलाल बहादुर चौधरी, पार्वती चौधरी मन्तव्य करले रहिट ।

संचालन सचिव चन्द्रा चौधरी करले रहिट । स्वागत मन्तव्य धर्मसिंह चौधरी करले । कार्यक्रममे २३ लाख २७ हजार ५ सय ७२ रुप्या बराबरके आयव्यय प्रस्तुत कैगिल रहे । कार्यक्रममे थारु नाँच, सखिया नाँच डेखागिल रहे ।