दुई जहन रोजगारी डेलै ध्रुव
साइकलसे कार मर्मतसमके योजना
सागर कुस्मी
धनगढी, २६ फागुन । जार रहे चाहे घाम, बिहान ६ बजेसे साँन्झ ७ बजे सम लगटार सँइकिल बनैना कामेम् भिँरल रठैं एक जवान ठँरिया ।
धनगढी उपमहानगरपालिका ८ धनगढी कैलालीक् धु्रुवराज चौधरी अझ्कल सँइकिल बनैनासे अक्को सँपार नैहुइन । उहाँ १३ सालसे सँइकिल मर्मत कर्टी, पिन्चर जोरटी आइल बटैं । एसएलसी पास कैके खाली रहल समयहे बिटोरके धु्रुवराज धनगढी जाइँमे रहल अपन भाटुक् सँइकिल गेरिजमे ६ महिना काम सिख्लैं ।
ओकर बाड आप टे अपनही डोकान ढारके कुछ करे सेकम कना आँट अइलिन । २०६५ सालमे डस हजार लगानीमे अपन डोकान ढरलैं । एक ओर कलेजके पर्हाइ डोसर ओर अपन डोकान हेर्ना ओट्रा सजिल काम नैरहे उ समयमे ।
समयके रफटार संगे उहाँ मेहनत कर्टी गैलैं । इ लावा डोकान से पार लागम कि नाइ कना चिन्ता रलेसेफें हिम्मत करे नैछोरलैं । बस अपन कामहे निरन्तरता डेटि गैलैं ।
सुरु सुरुमे डेहारी ३ सौ रुपिया कमैना मनैं अझकल १५ सौ से १८ सौ सम कमाही होजैठिन । इहे सँइकिल गेरिजसे हुइल आम्दानीसे उहाँ अपन परिवार खर्च, लर्कन पर्कनके पर्हाइ खर्च, लट्टा कपरा लगायत एहैं से गुजारा चलैटी बटैं ।
ञघरम् कुछ नै जुहैना मनैं अझ्कल आर्थिक स्थिति मजा हुइल बा, किहुसे हाँठ जोरे नै परठझ उहाँ कठैं–ञमजा ठाउँमे घडेरी किन्ना योजनाके साठ उहाँ इहे काम सप्से उपयुक्त रहल बटैलैं । अब्बे मासिक २० हजार सम कमाही हुइठझ उहाँ बटैलैं ।
बारा कक्षासम ज्ञान हाँसिल करल धु्रुवराज अब्बे इ पेसाहे व्यावसायिक रुपमे आघे बर्हटी बटैं । उहाँ कठैं–‘समयके सदुपयोग करे जाने परठ । खाली बैठल से कुछ ना कुछ सिर्जनात्मक काम कैलेसे जौन काममे फेन डाम कमाइ सेक्जाइठ् । ‘बहुतसे पर्हल लर्का इ काम कैना लाज मन्ठैं । मने धु्रुवराज कठैं–‘हम्रे अपन ठाउँमे काम कर्ना लजैना नैचाही, पैंसा अस्टे अस्टे छोटेछोटे व्यापार ।’
अझ्कल उहाँक डोकानमे सइकिल बनाइक लाग यात्रुनहे लाइन लागे पर्ठिन । काम के भिर हुइल डेखके उहाँक् भैया धर्मराज चौधरी उहाँहे सघैटी बटिन । अट्रै किल नाही इ काममे अझ्कल उहाँक गोसिनियाँ धर्मा चौधरी फेन काममे सघैटी रहल उहाँ बटैठैं । छोटमोट खोकासे सुरु करल सइकिल गेरिज अब्बे सटरमे चलैटी बटैं । सइकिल गेरिज संग संगे ठप डोकान कैके कारोबार रकम बर्हैले बटैं । अब्बे मोटरसइकिल फेन मर्मत कर्ठैं । ‘कम लगानीमे ढेर आम्दानी करे सेक्ना कलक इहे काम होझ उहाँ कहठैं– ‘मै सरकारी जागिर खैना सपना बोक्ले रहुँ, मने पाछे इहे काममे डँटल रनु ओ आझ यहाँसम पुग्नु ।’
इ कामसे सन्तुष्ट होके उहाँ खाली रहल ओइनहे फेन इहे लाइनमे लगैना प्रेरणा डेम कठैं । कम लगानीमे ढेर आम्दानी हुइलेक ओरसे लावा लावा ठँरियनहे इहे कामहे निरन्तरता सल्लाह डेठैं ।
अझ्कल उहाँ सइकिल, मोटरसइकिल, स्कुटर, रिक्सा, अटोरिक्सा लगायत सवारी साधन मर्मत कर्टी बटैं । उहाँ कठैं– अइना दिनमे कार, म्याजिक लगायत बरे बरे गारी फेन मर्मत कैना योजना बटिन ।
उहाँक् भैया धर्मराज कहठैं–‘मै फेन डाडुसे इहे सीप सिख्के औरे ठाउँ इहे सइकिल बनैना डोकन खोलम्, ओहेमारे मै फेन इहे काम कर्ना सजिल लागठ । ‘१० रुपिया लगानीमे ५० रुपिया आम्दानी हुइठ कलेसे आउरेक गुलामी कारे कर्ना, इहिसे टे सीप सिखो इहे काम करो कना बाट बेरोजगार रहल लर्कनहे सल्लाह डेठैं ।
