धनगढीके तीन ठाउँमे शिविर संचालन कैना
पहुरा समाचारदाता
धनगढी, १८ जेठ । धनगढी उपमहानगरपालिकामे रहल १ हजार १८९ जाने बालबालिकाके कार्यगत सिमितता पहिचान कैना धनगढीके तीन पायक पर्ना ठाउँमे शिविर संचालन कैना हुइल बा ।
बुधके रोज धनगढीमे युएस आईडि, ह्यान्डिक्याप ईन्टरनेस्नल ओ विश्व क्षिक्षाको सहकार्यमे सर्वाङीण अपांगता विकास समाज नेपालसे संचालित अपांगता रहल बालबालिकाहुकनके क्षिक्षामे पहुँच अभिवृद्धि कैना सक्कुहुनके लाग पढाई कार्यक्रमके आयोजनामे धनगढी उप महानगरपालिकास्थित शाखा प्रमुख, नगर प्रमुख, उपप्रमुख ओ सरोकारवाला सेवा प्रदायक निकायके प्रतिनिधिहुकनसंगके सहभागितामे योजना तथा समिक्षा बैठक हुइल रहे ।
उ बैठकमे सक्कुहुनके लाग पढाई कार्यक्रम अन्तर्गत कैलाली जिल्लाके १३ पालिकाके ५५४ विद्यालयके पुर्व प्राथमिक तहसे कक्षा ३ सममे अध्ययन करटी रहल कार्यगत सिमितता शंकामे परल ४ हजार ४८८ बालबालिका मन्से धनगढी उपमहानगरपालिकामे रहल १ हजार १८९ जाने बालबालिकाके कार्यगत सिमितता पहिचान कैना धनगढी उप महानगरपालिकासे धनगढीके तीन पायक पर्ना ठाउँमे स्वास्थ्य शिविरके आयोजना कैना सर्वाङीण अपांगता विकास समाज नेपालके कार्यकारी निर्देशक नन्दराज भट्ट बटैलै । उ स्वास्थ्य शिविर धनगढीके उर्मा, फुलवारी ओ जुडेडामे कैना निर्णय हुइल उहाँ जनैलै ।
शिविर संचालन कैना ओकर लाग लागत तयार करके कार्यपालिकासे अनुमोदन कराके करे पर्ना नगर प्रशासकीय प्रमुख रामलाल श्रेष्ठ जानकारी कराइल रहिट ।
वाशिङ्टन ग्रुप प्रश्नावली अनुसार शंकामे परल शारीरिक ३१३, सुनाई सम्बन्धि समस्या भएका २३४, हेराई सम्बन्धी समस्या रहल १७५ ओ मनोसामाजिक समस्या रहल ४५७ जाने बालबालिकाहुकनहे रेफेरल सेवा डेना उ बैठकके आयोजना हुइल रहे ।
उ बैठकमे धनगढी उप महानगर पालिकाके स्वास्थ शाखा प्रमुख कृष्ण बोहरा बृहत स्वास्थ सेवा नगरपालिकासे संचालन कैना सस्थाके प्रतिनिधि ओ स्वास्थ शाखाके प्रतिनिधि बैठके आवश्यक कार्य योजना बनाके रेफेरल सेवा डेना प्रतिवद्धता व्यक्त करलै ।
यी परियोजना कैलाली जिल्लाके १३ पालिकाके ४८३ स्कुलमे प्रअहुकन तालिम, प्रारम्भिक पहिचान तालिम, स्रोत विद्यालयमे शैक्षिक सामग्री वितरण अपांगता हुइल बालबालिकाहुकनके तथ्यांक संकलन जैसिन कार्यक्रम सम्पन्न करके रेफेरल सेवा ओर उन्मुख हुइल सस्थाके कार्यकारी निर्देशक भट्ट जानकारी डेलै । कार्यक्रममे धनगढी उपमहानगरपालिका–२ वडा अध्यक्ष धर्म ओझा अपन पहलमे अपाङता रहल व्यक्तिहुकनहे डिजिटल परिचयपत्र वितरण कैना परिपाटी बैठल बटैलै । उहाँ अपाङता रहल व्यक्तिहुकनहे वर्गिकरण करके सक्कु वडासे बजेट विनियोजन करे पर्ना बटैलै ।
महिला तथा बालबालिका शाखाके अनिता बुढाऐर धनगढी उपमहानगरपालिकासे अपाङता रहल व्यक्तीहुकनके लाग ४ लाख सहयोग सामाग्री खरिद कैके वितरण करल बटैली । यूएनडिपीके आर्थिक सहयोगमे अपाङगता रहल व्यक्तिहुकनहे डिजिटल परिचय वितरण करटी आइल मने कुछ दिनके स्थागिल हुइल उहाँ बटैलै ।
उहाँ कहली, अपाङता रहल व्यक्तिहुकन प्रत्येक महिनाके १५ ओ ३० गते करके दुई अपाङगता परिचयपत्र वितरण करटी आइल रहे । पुरान जनप्रतिनिधिहुकनके कार्यअवधि ओराइल संग्गे परिचयपत्र वितरणफे रोकल बा । आब हलहाली सुरु हुई ।
साथे उ कार्यक्रममे नव निर्वाचित पदाधिकारीहुकनके सम्मान तथा आव .व.२०७९/८० के लाग अपांगता हुइल व्यक्तिहुकनके लाग २१ ठो क्षेत्र समेटके तयार पारल ध्यानाकर्षण पत्र ग्रहण करटी यम्ने समावेश हुइल मुलभुत बाट पञ्चबर्षिय योजनाके प्राथमिकतामे धारके कार्यान्वयन कैना नगर उप प्रमुख कन्दकला राना जानकारी डेली ।
सर्वाङीण अपांगता विकास समाज नेपालके अध्यक्ष कृष्ण प्रसाद भण्डारी अपाङता नागरिकके हक अधिकार समेटे पर्ना प्रमुख सवाल सम्बन्धी २१ बुँदे ध्यानाकर्षणपत्र नगर उपप्रमुख कन्दकला रानाहे हस्तान्तरण करल रहिट ।
पञ्चबर्षिय योजनाके लाग ध्यानाकर्षणपत्रमे का का उल्लेख बा टे ?
धनगढी उपमहानगरपालिकामे बसोबास कैना सक्कु अपांगता रहल व्यक्तिहुकनके परिचयपत्र लेहल नइलेहलके बडा स्तरीय तथ्यांक अद्यावधिक करे पर्ना, अपांगता नागरिकके पालिकाभिटरके समग्र अवस्था विधेमण ओ आवश्यकता पहिचान करके पञ्चबर्षिय योजना निर्माण करे पर्ना, शिक्षाके पहुँचमे नइरहल घरमे हेरचाह कैना समस्या रहल अपांगता हुइल बालबालिकाके लाग साक्षरता कक्षासहितके दैनिक हेरचाह केन्द्र तुरुन्त स्थापना हुई पर्ना माग करल बा ।
न्यून आय रहल गरिव अपांगता हुइल व्यक्तिके लाग विधमान ज्ञान सीपके आधारमे व्यवसाय सुरुवात सहयोग कार्यक्रम संचालन करे पर्ना, अपांगता समन्वय समितिके यथाशिघ्र गठन ओ क्षमता विकास तालिम संचालन करे पर्ना माग करल बा ।
धनगढी उपमहानगरपालिकाका सम्बन्धित शाखाके सरोकारवाला कर्मचारीहे ३ महिने संकेतिक भाषा तालिमके व्यवस्था करे पर्ना, धनगढी उप महानगरपालिकाके अपांगता सूचना केन्द्रमे अपांगता कर्मचारीके व्यवस्था हुई पर्ना माग धारल बा ।
अपांगता पारा स्पोर्ट्स, ऐथ्लेटिक्स संचालन कैना पारा स्पोर्ट्स खेल सामग्री वितरण, अपांगता हुइल व्यक्तिके लाग घरेलु तथा अन्तर्राष्ट्रिय ऐन नियमावली ओ सेवा सुविधा सम्बन्धि तालिम, सहायक सामाग्री व्हिलचियर, उज्जर लाठी, वैशाखी लगायत उत्पादन, वितरण, मर्मत, थेरापी, मनोपरामर्श सहितके उपमहानगरमे अपांग पुनस्र्थापना केन्द्र स्थापनाके लाग बजेट बिनियोजन करके सिविआर कार्यक्रम स्थानीय तहसे निरंतरता हुई पर्ना माग करल बा ।
सार्वजनिक स्थानमे पहुँचयुक्त पानी धारा ओ शौचालय स्थापना, अपांगता सेवा सुविधाके जानकारी सम्बन्धि स्रोत पुस्तिका प्रकाशन, स्वास्थ तथा परामर्श सेवा सहितके उप महानगरमे अपांगता आपतकालीन कोषके स्थापना, स्थानीय तहमे अपांगताके शिक्षा ओ सीपके आधारमे उचित रोजगारीके व्यवस्था कैना उपमहानगरपालिकासे हरेक वर्ष अपांगता स्वरोजगार मेलाके आयोजना करे पर्ना उद्योग बाणिज्य संघ ओ होटेन व्यवसायीसंग समन्वय करके बर्षमे कम्तीमे ५ जनहनमे रोजगारीके प्रबन्ध हुई पना माग कैगिल बा ।
दीर्घकालीन सीप विकाससंग घरबार विहिन तथा असहाय अपांगताके उचित व्यवस्थापन कैना अपांगता ग्रामीण बिउ पुजी अनुदान कोषके स्थापना, गाउँ/नगरके सेवाहे नगर केन्द्रीकृत नइकरके हरेक टोल टोलमे घुम्ती रुपमे संचालन कैना, (जन्म दर्ता, मिर्क्यु दर्ता, पर दर्ता, विवाह दर्ता अपांगता परिचयपत्र वितरण, ज्येष्ठ नागरिक परिचय पत्र वितरण) आदि घर दैलोमे करे पर्ना माग करल बा ।
नगरभिटर काम करे अइना टमान सामाजिक संघ संस्थाहे अपन कुल बजेटके १० प्रतिशत अपांगता तथा बालबालिका क्षेत्रमे काम करै अह्रइना नीति तय करे पर्ना, दृष्टिविहिनहुकनके लाग अडियो लाइब्रेरी तथा सडक सरकारी कार्यालयमे टक टाईल निर्माण करे पर्ना, सरसफाइ तथा स्वास्थ्य सामग्री वितरण कैना आवश्यक नीति तर्जुमा करके सहयोग कार्यक्रम नन्ना, अपांगता हुइल व्यक्तिहुकनके अधिकार सम्बन्धि संशोधित ऐन २०७४ ममे रहल व्यवस्था अनुसार पूर्ण अशक्त ओ अतिअशक्त अपांगता नागरिकके व्यक्तिगत सहयोगीके व्यस्थाके कार्यान्वयन हुई पर्ना ओ अपांगता हुइल महिलाके स्वरोजगारी तथा शसक्तिकरण कैना सीपमुलक तालिम ओ जनचेतनामूलक विशेष कार्यक्रम नाने पर्ना पञ्चबर्षिय योजनाके लाग बुझाइल ध्यानाकर्षणपत्रमे उल्लेख बा ।
