नेपाल सद्भावना ओ नागरिक उन्मुक्ति पार्टी विच एकता
पहुरा समाचारदाताा
धनगढी, १४ सावन । नेपाल सद्भावना ओ नागरिक उन्मुक्ति पार्टी विच एकिकरण हुइल बा ।
अँँटवारके रोज नागरिक उन्मुक्ति पार्टीके नेता रेशमलाल चौधरी ओ नेपाल सदभावना पार्टीके केन्द्रीय अध्यक्ष रामकुमार महतो तीन बुँदामे हस्ताक्षर पत्र बुझैटी एकता हुइल घोषणा करल रहिट । अइना एकता महाधिवेशनसमके लगि एकीकृत पार्टीके नाम नागरिक उन्मुक्ति पार्टी रहना कहल बा । दुनु पक्षविच सम्झौता हुइल पश्चात महाधिवेशनसम झण्डा, चुनाव चिन्ह, छाप ओ विधान नागरिक उन्मुक्ति पार्टीसे प्रयोग करटी आइल हुइना बा । केन्द्रीय निकायसे स्थानीय तहसम पदाधिकारी तथा सदस्यहुकनके समायोजन दुनु पार्टी विच आन्तरिक सहमति) अनुसार हुइना बा ।
देशमे सात दशक नम्मा संघर्ष ओ बलिदान पश्चात संघीय लोकतान्त्रिक गणतन्त्रके स्थापना हुइल बा । विश्वमे विकसित नविनतम् लोकतान्त्रिक मुल्य ओ मान्यताके दृष्टिसे यम्ने अपूर्णता रहलेसफे आजसम नेपाली जनतसे प्राप्त करल सबसे महत्वपूर्ण उपलब्धी हो । दुनु पक्षसे प्रकाशित संयुक्त विज्ञप्तीमे कहल बा ।
यिहीहे आउर विकसित करटी पहिचानमे आधारित नामाकरणसहित प्रदेशके संरचना हेरफेर जातीय जनसंख्याके आधारमे पूर्णसमानुपातिक निर्वाचन प्रणाली स्थानीय तहमे निर्दलीय निर्वाचन प्रणाली एवं शैक्षिक योग्यता तथा उमेरके हदवन्दी, राज्यके सक्कु निकायमे जनसंख्याके आधारमे पूर्ण समानुपातिक समावेशीके सुनिश्चितता, हिन्दी भाषा दुसरा राष्ट्रिय भाषाके रुपमे मान्यता प्राप्त लगायत समतामुलक समाजवादके स्थापना हेतु समाजिक न्याय, सुशासन, समृद्धि लगायत दैनिकी जीवन सहज रुपमे जियक लाग परम्परागत राजनैतिक शक्तिके विकल्पमे विचार, संगठन ओ कार्यपद्धतिके दृष्टिसे अग्रगामी लोकतान्त्रिक शक्तिके आवश्यकता प्राप्तिके लाग मधेशी, आदिवासि जनजाति, थारु, मुस्लिम, दलित, पिछडावर्ग लगायत सक्कु उत्पीडित समुदायके सक्कु खाले पहिचान ओ अधिकार प्राप्तीके साथ साथे मधेस मुक्ति आन्दोलनके आँधीवेरी सृजना कैना अपरिहार्य हुइल ओरसे नेपालके राजनीतिमे अग्रगामी शक्तिके रुपमे नेपाल सद्भावना पार्टी ओ नागरिक उन्मुक्ति पार्टी विच तीन बुँदाके आधारमे एकीकरणक कैना सहमति हुइल हो ।
