विभेद अन्त्यके लाग मानसिक परवर्तनमे जोड

पहुरा समाचारदाता
धनगढी, १४ पुस । दलित महिला, किशोरी ओ सीमान्तकृत समुहके लैङिक तथा सामाजिक न्याय प्रवर्धनमे संचार क्षेत्रके भूमिका विषयक अन्तरक्रिया कार्यक्रम हुइल बा ।

दलित महिला संघ (फेदो) कैलालीके आयोजनामे शुकके रोज धनगढीमे हुइल कार्यक्रममे सहभागिहुक्रे विभेद अन्त्य कागजमे सीमित रहल ओरसे व्यवहार ओ मानसिकता परिवर्तन आवश्यक रहल बटैले बटै ।

अन्तरक्रिया कार्यक्रममे दलित महिला संघ (फेदो) कैलालीके कार्यक्रम संयोजक विनोद घिमिरे परियोजना करल गतिविधि ओ दलित समुदायसे भोग्टी आइल समस्या ओ वर्तमान अवस्थाबारे जानकारी डेहल रहिट । उहाँ नेपालमे जाति प्रथाके इतिहास, २०६३ के जन आन्दोलनपाछे फेरसे स्थापित संसदसे २१ जेठ २०६३ मे नेपालमे छुवाछुट मुक्त राष्ट घोषणा, दलित महिलाके सवालमे सरोकार कहे, प्रमुख दलके घोषणापत्र नाउँ मात्रलगायत प्रस्तुतकरण करल रहिट ।

कार्यक्रममे दलित महिला संघ (फेदो) कैलालीके सचिव तथा प्रदेश अध्यक्ष अम्बिका ताम्रकार सहजकीकरण करल रहिट । उहाँ दलित महिला, किशोरी ओ सीमान्तकृत समुहके लैङिक तथा सामाजिक न्याय प्रवर्धनमे संचार क्षेत्रके भूमिका अहम रहल कहटी उहाँहुकनके मुद्दा कैडेना आग्रह करल रहिट । कार्यक्रममे नेपाल पत्रकार नेपाल पत्रकार महासंघ कैलालीके अध्यक्ष हिमालय जोशी, धर्म विक, नारायण अवस्थी, विवेक नागरीलगायत अपन बाट राखल रहिट ।