अपांगता रहल महिलाहुकनके फेसन शो हुइना

पहुरा समाचारदाता
धनगढी, ६ चैत । कैलालीके धनगढीमे यहि चैत्र ८ गते अपांगता रहल महिलाहुकनके फेसन शो हुइना हुइल बा ।

राष्ट्रिय अपांग महासघ सुदूरपश्चिमके सहकार्य तथा साईनिङ होम पोखराके आयोजनामे फेसन शो हुइ लागल हो । बुधके रोज
धनगढीमे पत्रकार सम्मेलनके आयोजना करटि आयोजक कार्यक्रमबारे जानकारी करैले बा ।

सुदूरपश्चिम प्रदेशके कैलाली, कञ्चनपुरमे बसोबास करना अपांगता रहल १५ जाने महिलाहुकनके सहभागिता रहना साईनिङ होमके सञ्चालक आषिका चन्द बटैलि ।

अपांगता रहल महिलाहुकनके क्षमता अभिवृद्धि करना उद्देश्यके साथ कार्यक्रमके आयोजना करटिरहल चन्द बटैलि । क्षमता होके फेन बाहिर प्रस्फुटन हुइ नैसेकल प्रतिभाहे बाहिर नानके लाग कार्यक्रमके आयोजना करल आयोजक जनैले बा ।

कार्यक्रमके उद्घाटन सुदूरपश्चिम प्रदेशके सामाजिक विकास मन्त्री मेघराज खडका करना जानकारी कराइल बा ।