स्वस्तिक अस्पतालसे शैय्या विस्तार
पहुरा समाचारदाता
धनगढी, २४ चैत । कैलालीके धनगढीस्थित स्वस्तिक अस्पताल लावा व्यवस्थापन सहित थप एकसय शैय्या विस्तार करले बावै ।
धनगढी उपमहानगरपालिका वडा नम्बर ३ चटकपुरस्थित १५ शैय्यामे सञ्चालन हुइटी आइल अस्पतालसे सेवाग्राहीहे सहजताके लाग लावा प्रविधि ओ दक्ष स्वास्थ्यकर्मीके व्यवस्थापन कैटी शैय्या फेन विस्तार करल हो । लावा व्यवस्थापन ओ शैय्या विस्तारसँगे अस्पतालहे सेवा ओ प्रविधि तथा भौतिक पूर्वाधारमे सुदूरपश्चिमके अग्रणी ओ अत्याधुनिक अस्पतालके रुपमे लेहे सेकजैना अध्यक्ष दिपेन्द्र तिवारी बटैलैं ।
अस्पतालमे २४ घण्टै इमर्जेन्सी सेवा, जनरल मेडिसिन विशेषज्ञ सेवा, महिला तथा प्रसूति रोग विशेषज्ञ सेवा, हाडजोर्नी, मेरुदण्ड तथा नशा रोग विशेषज्ञ सेवा, छाला तथा सौन्दर्य रोग विशेषज्ञ सेवा, मुटुरोग विशेषज्ञ सेवा, रेडियोलोजी विशेषज्ञ सेवा, नाक, कान, घाटी रोग विशेपज्ञ सेवा, डेन्टल केयर विशेषज्ञ सेवा, फिजियोथेरापी सेवा, प्रयोगशाला, एक्सरे तथा अल्ट्रासाउण्ड सेवा, जनरल तथा ल्याप्रोस्कोपी सर्जरी विशेषज्ञ सेवा, युरो सर्जरी विशेषज्ञ सेवा, न्युरो सर्जरी विशेषज्ञ मेवा उपलब्ध रहल उहाँ बटैलैं ।
ओहकान अनुसार अस्पतालभित्रे उच्चस्तरीय प्रविधि जडित शल्यक्रिया कक्ष, आईसीयू, एनआईसीयू तथा प्रसूति कक्षके व्यवस्था करल बा । गुणस्तरीय औषधि ओ अनुभवी फर्मासिस्ट सहितके फार्मेसीके व्यवस्था, सेवाग्राहीके सहजताके लाग मौसमअनुसार आवश्यक सक्कु स्थानमे एसी जडित सरचना ओ स्तरीय एम्बुलेन्सके व्यवस्था अस्पतालसे करल उहाँ बटैलैं । ओकर उहाँ लाग अस्पतालमे पूर्णकालीन ओ आशिक कैके चिकित्सकीय जनशक्ति २४ सै घण्टा उपलब्ध रहल बटैलैं ।
अस्पतालमे सुदूरपश्चिम प्रदेश भरीके सरकारी तथा निजी अस्पतालमे पहिल मोडुलर ओटी रहल उहाँ बटैलैं । जौन ९९ प्रतिशत संक्रमणरहित रहल जनाइल बावै । निःसन्तान दम्पतीके लाग अस्पतालसे विगतमे आईभीएफ शिविर सञ्चालन करलमे आब पूर्णकालीन आईभीएफ केन्द्र सञ्चालन करे लागल अध्यक्ष तिवारी जानकारी डेलैं । जौन सुदरपश्चिममे पहिल हो ।
टमान विश्वविद्यालय एवम् प्राविधिक शिक्षा तथा व्यावसायिक तालिम परिषद् (सीटीईभीटी)से सम्बन्धन लेके आगामी शैक्षिक सत्रसे नर्सिङ तथा अन्य मेडिकल कोर्सके पढाइ समेत कैना उहाँ बटैलैं । अस्पतालहे वृहत् स्वास्थ्य उपचार ओ चिकित्सा शिक्षाके केन्द्रके रूपमे विकास कैटी लैजैना योजना अनुसार निकट भविष्यमे आमा सुरक्षा कार्यक्रम, निःशुल्क बिमा कार्यक्रम, नागरिक लगानी कोष ओ सामाजिक सुरक्षा कोषमे आबद्ध व्यक्तिहुक्रनके लाग विशेष सुविधासहितके योजना लागु कैना उहाँ जानकारी डेलैं ।
अस्पतालसे सामाजिक उत्तरदायित्वअन्तर्गत ग्रामीण क्षेत्रमे विज्ञ चिकित्सकसहितके टीमसे विगतमे सञ्चालन कैटी आइल निःशुल्क स्वास्थ्य शिविरहे परिस्कृत कैके थप प्रभावकारी बनैना योजना बनाइल उहाँ बटैलैं । अस्पतालमे आइल विरामीके रोग पहिचान, उपचार, औषधि ओ नियमित चेकजाँचहे सहुलियतपूर्ण बनैटी विरामी, डाक्टर ओ अस्पतालके सम्बन्धहे सुमधुर बनैना प्रतिबद्ध रहल अध्यक्ष तिवारी जानकारी डेलैं ।
आधारभूत विशेषज्ञ स्वास्थ्य सेवाके लाग भारतओर जाइ पर्ना बाध्यताके अन्त्यके लाग स्वस्तिक अस्पतालके सेवासे योगदान कैना अध्यक्ष तिवारी विश्वास व्यक्त करलैं ।
