चैतन्य पाठशालाके २५औँ वार्षिकोत्सव सुरु
पहुरा समाचारदाता
धनगढी, २९ फागुन । चैतन्य पाठशाला धनगढीके २५ औँ वार्षिकोत्सव (रजत जयन्ती) तथा अभिभावक दिवस शुकसे रोजसे सुरु हुइल बा ।
सुदूरपश्चिम विश्वविद्यालयके रजिस्ट्रार तथा कैलाली बहुमुखी क्याम्पसके पूर्व क्याम्पस प्रमुख प्राध्यापक डा. हेमराज पन्त ओ आध्यात्मिक चिन्तक चैतन्य कृष्ण महाराजज्यूके प्रेरक उपस्थितिमे कार्यक्रम शुभारम्भ हुइल हो । जेकर सभाध्यक्षता पाठशालाके पिटिए अध्यक्ष ईश्वर गिरी करल रहिट ।
कार्यक्रममे शिक्षाविद्, राष्ट्रसेवक, साहित्यकार, पत्रकार तथा समाजके प्रतिष्ठित व्यक्तिहुकनके उल्लेखनीय उपस्थिति रहल रहे । कार्यक्रममे प्रभातफेरीसे टमान झाँकी तथा सांस्कृतिक प्रस्तुतिफे प्रदर्शन करल बा । कार्यक्रम आजसम सांस्कृतिक तथा अन्य प्रस्तुति निरन्तर रना बा ।
रजत जयन्तीके अवसरमे टमान क्षेत्रमे उत्कृष्ट कार्य करटी आइल २ सय ढेर व्यतिmहुकनहे सम्मान रहल पाठशाला परिवार जनैले बा ।
चैतन्य पाठशालासे धनगढीमे केल्ह नैहुके समग्र सुदूरपश्चिम क्षेत्रके शिक्षामे सकारात्मक परिवर्तन ल्यन्ना महत्वपूर्ण योगदान पुगाइल पाठशालाके प्रमुख सल्लाहकार तथा सुदूरपश्चिम विश्वविद्यालयके पूर्व रजिस्टार प्रा.डा हेमराज पन्त बटैलै ।
उहाँ “शिक्षामे संस्कार आजके आवस्यक्ता रहल ओ आजके युगमे शिक्षा केवल कागजके पानामे सीमित रहल कारण यिहीहे प्राविधिक ज्ञान ओ जीवन उपयोगी बनैना जरुरी रहल बेला चैतन्यके यी प्रयाससे कुछ ह्ुइलेसेफे शिक्षामे सकारात्मकता ल्यन्नामे अपने विश्वस्त रहल बटैलै ।”
समाज परिवर्तन कैना जिम्मेवारी सक्कु हुइल ओ चैतन्य पाठशालासे हरेक वर्ष समाजके टमान क्षेत्रमे योगदान पुगैना व्यक्तिहुकनहे सम्मान करटी आइल चैतन्य पाठशालाके अध्यक्ष गणेश प्रसाद जोशी बटैलै । यी वर्ष समेत चैतन्य साधना पुरस्कार अन्तरगत शिक्षा, साहित्य, खेल, समाज ओ अन्य टमान क्षेत्रमे अपन जीवन व्यटिट करल दर्जन ढेरहे सम्मान कैना उहाँ बटैलै ।
कार्यक्रममे टमान विद्यालयके प्रिन्सिपल तथा सरोकारवालाकेफे उल्लेखनीय उपस्थिति रहल बा । विद्यालयके प्रतिवेदन प्रस्तुत करटी शुकके रोज कार्यक्रममे अवस्थित सञ्चार क्षेत्र साहित्य क्षेत्र शिक्षा क्षेत्र लगायतक सयौँ जनहनहे सम्मान करल पाठशालाके प्राचार्य प्रेमनिधि ओझा बटैलै ।
दुई दिनसम सञ्चालन हुइना कार्यक्रममे टमान सांस्कृतिक तथा शैक्षिक गतिविधि आयोजना कैना ओ आज समेत टमान सम्मान जारी रना उहाँ बटैले बटै ।
