बाल अधिकारके लाग सक्कु जानेक सहकार्य अनिवार्य बाः राज्यमन्त्री खडका

पहुरा समाचारदाता
धनगढी, ५ चैत । सुदूरपश्चिम प्रदेश सरकारके सामाजिक विकास मन्त्रालयके राज्यमन्त्री सरस्वती खडका बालअधिकारके लाग सरोवारवाला सक्कु निकायके सहकार्य अनिवार्य रहल बटैले बटैली ।

सामुदायिक विकास केन्द्र डोटीसे स्विडिस इन्टरनेशनल डेभलपमेन्ट कोअपरेशन एजेन्सीके सहयोगमे सेभ द चिल्ड्रेनके सहकार्य करके सुरुवाट करल बाल अधिकारको लागि नागरिक समाज संस्था सुदृढीकरण परियोजनाके प्रदेश, स्थानीय सरकार, सरोकारवाला निकाय तथा नागरिक संस्थासंग सहकार्य आरम्भ अनुभव आदान–प्रदान कार्यक्रममे राज्यमन्त्री खडका ओसिन बाट बटवाइल रहिट ।

संविधानमे प्रदान करल बालअधिकार होए वा जेष्ठ नागरिक, महिला, पाछे परल नागरिक होए केक्रो अधिकार कार्यान्यवन नैहुइल अनुभव कैगिल बा, राज्यमन्त्री खडका कहलै, ‘उहीहे पारदर्शिता, सुशासान ढंगसे कार्यान्वयन करेक लाग तीन तहकारके सरकार समन्वय, सहकार्य, सहअस्तित्व विच अभिनफे जनतासे प्रत्यक्ष रुपसे अनुभूति करेपैना मेरिक आघे पर्ना जरुरी बा ।
उहाँ कहली, प्रदेश सरकार शिक्षा, स्वास्थ्यलगायत सामाजिक क्षेत्रमे पारदर्शिता ढंगसे आघे बह्रल बा । मै फे ग्रामीण बस्तीसे एक ठो नागरिक संस्थासे प्रतिनिधित्व करटी आज यहाँसम पुगल हु । सिडीसि डोटीफे बाल अधिकार, उहाँहुकनके मुद्दामे मजा भूमिका निर्वाह करटी आइल बा । यहाँ रहल बाल अधिकारके क्षेत्रमे काम कैना संघसंस्थाके अक्के उद्देश्य बा कलेसे संगसँगे सहकार्य करके आघे बह्रना जरुरीफे बा ।

सुदूरपश्चिम प्रदेशमे बालविवाह,लागु औषध दुव्र्यशनी, रोजगारके लाग विदेश जैना मुख्य समस्याके रुपमे रहल बा । यकर लाग बालबालिकाके कार्यक्रम ल्यानेपर्ना मन्त्री खडका कहली ।

कार्यक्रममे सिडिसी डोटीके कार्यक्रम संयोजक तिलक चौधरी संस्थासे संञ्चालित परियोजनाके गतिविधिबारे जानकारी डेटी यी संस्था सन २०२५ अक्टोबरसे २०२८ सेप्टेम्बरसम साझेदार सस्था सेभ द चिल्ड्रेन ओ १० ठो नागरिक समाज संस्थासँग बालअधिकारके लाग नागरिक समाज सुदृढीकरण कार्यक्रम संचालन कैना जनैलै ।

यी कार्यक्रम सुदूरपश्चिम प्रदेश लगायत लुम्बिनी, कर्णाली ओ मधेशलगायत चार प्रदेश लागु हुइना जनागिल बा ।
सक्कु बालबालिकासे बाँचे पैना अधिकार, शिक्षण सिकाई तथा सुरक्षित रहे पैना अधिकार पूर्ण रुपमे उपभोग करल हुईपर्ना पहिल लक्ष्य रहल परियोजनाके उद्देश्य हो । कलेसे उपलब्धीमे बालबालिका ओ नागरिक समाजके संस्थासे नागरिक स्थान ओ अधिकारके दावी कैना, बालअधिकारके कार्यान्वन सुनिश्चित करेक लाग जिम्मेवारीहे जवाहडेही बनैना क्षमता रख्ना कहल बा ।

यी अवधिमे प्रदेशस्तरके बाल अधिकार समिति गठन, बैठक संचालनमे सहयोग, पिसिआरसी संचालन मार्गनिर्देशन, विकासमे समर्थन तथा स्थानीय तहमे बालकल्याण कार्यालय स्थापना प्रावधानके लाग वकालत÷अधिकार संम्बद्धमे सहयोग कैना कहल बा ।

कार्यक्रममे सिडिसी डोटीके कार्यकारी निर्देशक हेमराज जोशी सहजीकरण करटी बालअधिकार, बालबालिका संरक्षण, समृद्धि तथा कानून निर्माणके लाग गैसस तथा सरोकारवालाके भुमिका बरवार रहल बटैलै ।

सिडीसी डोटीके सहसचिव टेकराज अवस्थीके अध्यक्षतामे हुइल कार्यक्रम संचालन बालअधिकार संयोजक एकराज वडु करल रहिट कार्यक्रममे टमान गैरसरकारी संस्थाके प्रतिनिधि, यूवा तथा सुरक्षा निकायके प्रतिनिधि बालबालिका अवस्था ओ आब करेपर्ना कार्यबारे आपन बाट राखल रहिट ।