सामुदायिक वनहे डढेलो नियन्त्रण सामाग्री हस्तान्तरण
पहुरा समाचारदाता
धनगढी, ६ चैत । कैलाली जिल्लास्थित कैलारी गाउँपालिकाके नौ ठो सामुदायिक बनहे बन डढेलो नियन्त्रण सामाग्री हस्तान्तरण कैगिल बा ।
दलित महिला अधिकार मञ्चसे सञ्चालित सिधरा परियोजनासे कैलारी गाउँपालिकाके नौ ठो सामुदायिक वनहे वन डढेलो नियन्त्रणमे सहयोग पुगाइक लाग वन डढेलो सामाग्री हस्तान्तरण करल हो ।
मञ्चसे दलित सामुदायिक वन, मुक्त महिला सामुदायिक वन, रत्ना सामुदायिक वन, सुइटी सामुदायिक वन, खौराहुवा सामुदायिक वन, जीवन सामुदायिक वन, कमलपोखरी सामुदायिक वन, भुइयाफाँटा सामुदायिक वन ओ लालबालु सामुदायिक वनहे डढेलो नियन्त्रणके सामाग्री हस्तान्तरण करल हो ।
सामाग्री हस्तान्तरण कार्यक्रममे दलित महिला अधिकार मञ्चके अध्यक्ष सावित्रा घिमिरे, उ परियोजनाके परियोजना अधिकृत मिनबहादुर हुडके, कैलारी गाउँपालिका सामाजिक विकास शाखा प्रमुख यगम कलेल, योजना शाखा प्रमुख सन्तोषकुमार चौधरी ओ सामाजिक परिचालक निलु चौधरीलगायतसे सामुदायिक वनके पदाधिकारीहुकनहे सामाग्री हस्तान्तरण कैगिल बा ।
