‘सात रंग के’ म्युजिक भिडियो सार्वजनिक

पहुरा समाचारदाता
धनगढी, २८ चैत । चर्चित मोडल रितु चौधरी ओ फुलराम चौधरी अभिनित म्युजिक भिडियो ‘सात रंग के’ एक कार्यक्रमके बिच रिलिज करल बा ।

शुलभ फिल्मस् प्रालिसे शनिच्चरके एक कार्यक्रमके बिच एसटीएस सिनेमा हल धनगढीमे म्युजिक भिडियो रिलिज करल हो । उहे लगत्ते प्रालि आपन यूट्युव च्यानल शुलभ फिल्मस् मार्फत फेन सार्वजनिक करले बा ।

आर्दश महतोके निर्देशन तथा कथाबस्तु रहल म्युजिक भिडियो धनगढी वडा नम्बर १५ स्थित कनरी पार्क ओ कैलारी गाउँपालिका वडा नम्बर ९ सिमराना आसपास क्षेत्रमे छायांनक करल बा । बिर चौधरीके शब्द संगीत रहल गीतमे मनोज महतो ओ समिक्षा चौधरी स्वर रहल बा । चन्द्र चौधरीके मिक्सिङ्ग रहल अडियोमे एरेन्ज गणेश चौधरीके रहल बा ।

ओस्टके भिडियोके छायांकन ओ सम्पादन दया शंकर चौधरीके रहल बा । साथे उक्त भिडियोहे जिभी मोवाइल पोइन्ट, माया फेन्सी स्टोर ओ सहयोगी फार्मेसीके सर्पोट रहल बा ।

म्युजिक भिडियो सार्वजनिक कार्यक्रमके वक्ताहुक्रे भिडियोके प्रशंसा करल रहिट । शुलभ फिल्मस् प्रालिके दया शंकर चौधरीके अध्यक्षतामे हुइल कार्यक्रममे बर्का पहुनामे राष्ट्रिय थारु कलाकार मञ्च सुदूरपश्चिम प्रदेशके अध्यक्ष संगत चौधरी, खास पहुनामे थाकस कैलालीके पूर्व सभापति माधव चौधरी, कलाकार अम्बिका आचार्य, राजकुमार जोशी, जिभि मोबाइल पोइन्टके गोविन्द मुखिया लगायत मन्तब्य राखल रहिट । कार्यक्रमके सञ्चालन अनिल कुश्मी करल रहिट ।