ऐतिहासिक धुलिकोट दरबारमे ‘प्रीति पुष्करिणी’ कविता संग्रह विमोचन
पहुरा समाचारदाता
कैलाली, २९ चैत । वरिष्ठ साहित्यकार खगेन्द्र गिरि ‘कोपिला’ के नवीन कृति ‘प्रीति पुष्करिणी’ कविता संग्रह ऐतिहासिक धुलिकोट दरबार परिसरमे २०८२ सालके अन्तिम अँटवारके सूर्योदयके समयमे एक विशेष समारोहबीच विमोचन हुइल बा ।
देउखुरी साहित्य तथा संस्कृति मञ्चका अध्यक्ष तथा साहित्यकार नीमबहादुर थापा, साहित्यकार महेन्द्र अतल ओ पत्रकार तथा साहित्यकार पुष्पराज जोशी संयुक्त रूपमे उ कविता संग्रह सार्वजनिक कैलैं ।
कार्यक्रममे बोल्टी वक्ता ओइने ‘प्रीति पुष्करिणी’ भिट्टर समेटल कवितामे मानवीय संवेदना, प्रेम, प्रकृति ओ सामाजिक यथार्थहे सशक्त रूपमे अभिव्यक्त हुइल बटैलैं । उहाँ ओइने लेखक ‘कोपिला’ के सिर्जनशीलता ओ साहित्यप्रतिके योगदानके उच्च प्रशंसा करटी अइना दिनमे आकुर सशक्त कृति अइना विश्वास कैलैं ।
ऐतिहासिक तथा सांस्कृतिक महत्त्व बोकल धुलिकोट दरबार परिसरमे निप्टक उ विमोचन कार्यक्रम साहित्यिक वातावरणहे थप ऊर्जाशील बनाइल सहभागी ओइने बटैलैं । कार्यक्रम साहित्यप्रेमी, सर्जक तथा स्थानीयवासीनके उल्लेख्य उपस्थितिमे निप्टल रहे ।
सर्वदा साहित्य संगम नेपालगन्जके उपाध्यक्ष खड्गबहादुर बोहराके अध्यक्षतामे हुइल कार्यक्रमके सञ्चालन देउखुरके कवि गुरुप्रसाद कुमाल ुबुलबुलु कैले रहिंट ।
